බංග්ලාදේශයට එරෙහි දෙවන ටෙස්ට් තරගයේ ජයත් ඉන්දියාවට..

COLOMBO ( News 1st ) - සත්කාරක බංග්ලාදේශ කණ්ඩායමට එරෙහි ටෙස්ට් ක්‍රිකට් තරගාවලිය ඉන්දීය කණ්ඩායම තරග 2 - 0ක් ලෙස ජය ගැනීමට සමත් විය.

ඒ තරගාවලියේ දෙවන තරගය ඉන්දීය කණ්ඩායම කඩුලු 3 කින් ජය ගැනීමත් සමගයි.

මීර්පූර්හීදි පැවති තරගයේ කාසියේ වාසිය හිමි කරගෙන පළමු පන්දුවට පහර දුන් බංග්ලාදේශ කණ්ඩායම පළමු ඉනිම සඳහා රැස් කළ ලකුණු 227ට පිළිතුරු ලෙස ඉන්දීය ක්‍රීඩකයින් පළමු ඉනිමට සියලු දෙනා දැවී රැස් කළ ලකුණු සංඛ්‍යාව 314කි. 

ඒ අනුව සිය දෙවැනි ඉනිම ක්‍රීඩා කළ බංග්ලාදේශ ක්‍රීඩකයන්ට සියලු දෙනා දැවී රැස් කිරීමට හැකි වූයේ ලකුණු 231ක් පමණි.

ලකුණු 145 ඉලක්කයක් හඹා යාමට පිටියට පිවිසි ඉන්දීය ක්‍රීඩකයන් පන්දුවාර 47ක් අවසානයේ කඩුලු 7ක් දැවී නියමිත ඉලක්කය පසු කිරීමට සමත් විය.