කොල්ලුපිටිය මාරක රිය අනතුරේ සැප රිය පැදවූ රියදුරු රිමාන්ඩ්

COLOMBO (News 1st) - කොල්ලුපිටිය ප්‍රදේශයේ දී මාරක රිය අනතුරක් සිදු කළ සැකකරු, කොළඹ අතිරේක මහේස්ත්‍රාත් වයි. ප්‍රභාකරන් මහතා හමුවට ඉදිරිපත් කිරීමෙන් අනතුරුව ලබන 16 වැනිදා දක්වා අද රක්ෂිත බන්ධනාගාරගත කෙරිණි.

අනතුරින් පසු රටින් පලා ගිය සැකකරු අද අලුයම යළි මෙරටට පැමිණීමේදී අත්අඩංගුවට ගැනුණේ, කටුනායක ගුවන් තොටුපොළේදියි. 

පසුගිය 10 වැනිදා රාත්‍රියේ කොල්ලුපිටිය ප්‍රදේශයේදී සුඛෝපභෝගි මෝටර් රථයක් සහ ත්‍රීරෝද රථයක් ගැටීමෙන් ත්‍රීරෝද රථ රියදුරු ජිවිතක්ෂයට පත්විය. 

මෝටර් රථයේ රියදුරු එදිනම ඩුබායි රාජ්‍ය වෙත පලා ගොස් තිබුණු අතර ඔහුට එරෙහිව විමර්ශන කණ්ඩායම් අධිකරණයෙන් විදෙස් ගමන් තහනම් නියෝගයක් ද ලබා ගෙන තිබුණි.