COLOMBO (News 1st) – ඉදිරි සති දෙක තුළ රථ වාහන අමතර කොටස් සහ රූපලාවන්‍ය උපකරණ ඇතුළු භාණ්ඩ කිහිපයක ආනයන සීමා ඉවත් කරන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි. 

රාජ්‍ය අමාත්‍යවරයා සඳහන් කළේ, අදාළ ක්ෂේත්‍රයන්හි රැකියාවල නිරත පුද්ගලයින්ගෙන් දිගින් දිගටම ලද අභියාචනා සැලකිල්ලට ගෙන මහ බැංකුවේ ආර්ථික පර්යේෂණ දෙපාර්තමේන්තුවේ නිර්දේශ මත මෙම සීමා ඉවත් කරන බවය.

අද (21) පෙරවරුවේ කටුනායක ජාත්‍යන්තර ගුවන්තොටුපොළේ ශ්‍රී ලංකා රේගුවට අයත් අංගනවල නිරීක්ෂණ චාරිකාවකට එක් වෙමින් රාජ්‍ය අමාත්‍ය රංජිත් සියඹලාපිටිය මහතා මේ බව කියා සිටියේ ය.

පවතින විනිමය අර්බුදය හේතුවෙන් භාණ්ඩ 1,465 කට ආනයන සීමා පනවමින් පසුගිය අගෝස්තු 23 වැනි දා අතිවිශේෂ ගැසට් නිවේදනයක් නිකුත් කෙරිණි.

පසුව ඉදිරිපත් වූ අභියාචනා සැලකිල්ලට ගෙන එම ලැයිස්තුවෙන් ඉවත් කෙරුණු භාණ්ඩ සංඛ්‍යාව 708 කි.

• ඉදිරි මාස දෙක තුළ ශ්‍රී ලංකාවට හරිත ආර්ථික ප්‍රතිපත්තියක් – ජනපති
• පුංචි ඡන්දෙට ඉල්ලූ මුදල් ගැන කිසිදු ප්‍රතිචාරයක් නැහැ – මැතිවරණ කොමිසම
• චෝදනා අභූතයි… PUCSL සභාපති සියලු චෝදනා ඉවත දමයි
• සංගීත් නිපුන් මහාචාර්ය සනත් නන්දසිරි අභාවප්‍රාප්ත වෙයි
• වැස්ස ජයගනී.. ශ්‍රී ලංකා – නවසීලන්ත දෙවැනි එක්දින තරගය අතහැර දමයි
• තෙල් සංස්ථාව පෞද්ගලීකරණයට එරෙහි සත්‍රයග්‍රහය තවදුරටත්
• ශ්‍රී ලංකා – නවසීලන්ත තරග ආරම්භයට වර්ෂාවෙන් බාධා
• අප්‍රේල් 25 පුංචි ඡන්දය තියයිද?
• මෙරට ඛනිජ තෙල් වෙළඳාමට විදෙස් සමාගම් 3කට කැබිනට් අනුමැතිය..
• LPL සිව්වැනි අදියරට දින නියම වෙයි