රුසියානු මිසයිල ප්‍රහාර හමුවේ යුක්‍රේනයේ විදුලි සැපයුම බිඳ වැටෙයි

News 1st - රුසියානු මිසයිල ප්‍රහාර හමුවේ යුක්‍රේනයේ විදුලි සැපයුමට බාධා එල්ල වී ති‌බේ.

විදෙස් වාර්තා පැවසුවේ, සියලු විදුලි උපාංග ආරෝපණය කරගන්නැයි එරට ජාතික බලශක්ති සමාගම පුරවැසියන්ගෙන් ඉල්ලා ඇති බවයි.

වරකට පැය 4 බැගින් විදුලිය කප්පාදු කෙරෙන අතර එය සමස්ත යුක්‍රේනයට ම බලපානු ඇතැයි විදෙස් වාර්තාවල සඳහන් ය.

පසුගිය 10 වන දා සිට රුසියාව එල්ල කරන මිසයිල ප්‍රහාර හමුවේ, යුක්‍රේනයේ බලාගාරවලින් 30% ක් පමණ හානි වී ඇතැයි එරට ජනාධිපති වොලොදිමියර් සෙලෙන්ස්කි මීට පෙර ප්‍රකාශ කළේ ය.