COLOMBO (News 1st) –  පාස්කු නඩුවක සැකකරුවෙකු ලෙස තමාව නම් කර කොටුව මහේස්ත්‍රාත්වරයා විසින් අධිකරණයට කැඳවීමෙන් නිකුත් කර ඇති නොතීසි නියෝගය ක්‍රියාත්මක කිරීම වළක්වන රීට් ආඥාවක් නිකුත් කරන ලෙස ඉල්ලා, හිටපු ජනාධිපති මෛත්‍රිපාල සිරිසේන මහතා විසින් පසුගිය 30 වැනිදා අභියාචනාධිකරණයට ගොනු කළ රීට් ආඥා පෙත්සම සලකා බැලීම සඳහා ලබන 10 වැනිදා කැඳවීමට අභියාචනාධිකරණය අද (06)තීරණය කළේ ය.  

එම නියෝගය නිකුත් කරනු ලැබුවේ, සෝභිත රාජකරුණා සහ දම්මික ගනේපල යන අභියාචනාධිකරණ විනිසුරු මඩුල්ල හමුවේ එම රිට් ආඥා පෙත්සම අද කැඳවූ අවස්ථාවේදී ය.  

මුස්ලිම් අන්තවාදීන් විසින් 2019 අප්‍රේල් 21 වැනිදා කොච්චිකඩේ සාන්ත අන්තෝනි දේවස්ථානයට එල්ල කළ මරාගෙන මැරෙන බෝම්බ ප්‍රහාරයෙන් බරපතල තුවාල ලැබූ වින්දිතයෙකු හා සිරිල් ගාමිණි ප්‍රනාන්දු පියතුමා ගොනු කළ පෞද්ගලික පැමිණිල්ලක් සලකා බැලු කොටුව මහේස්ත්‍රාත් තිළිණ ගමගේ මහතා ලබන 14 වනදා අධිකරණය හමුවේ පෙනී සිටින ලෙස දන්වා තමාට නොතීසි නිකුත් කර ඇති බව පෙත්සම්කාර හිටපු ජනාධිපතිවරයා අභියාචනාධිකරණයට පෙන්වා දී තිබුණි. 

පාස්කු ප්‍රහාර මාලාවට තමා‍ගේ කිසිදු සම්බන්ධතාවයක් නොතිබී තිබියදීත්, එවකට රටේ විධායක ජනාධිපතිවරයා ලෙස කටයුතු කළ තමා රාජකාරි වගකීම් පැහැර හැරීම සම්බන්ධයෙන් ගොනු කර තිබූ පෞද්ගලික නඩුවක සැකකරුවෙකු ලෙස නම් කර අධිකරණයට කැදවීම යුක්ති සහගත නොවන කරුණක් මෙන්ම ස්වභාවිකයුක්ත ධර්මයට පටහැනි ක්‍රියාවක් වන්නේද පෙන්වා දෙමින් ගොනුකර තිබූ එම පෙත්සමේ වගඋත්තර කරුවන් ලෙස කොටුව මහේස්ත්‍රාත් වරයා සහ  කොටුව මහේස්ත්‍රාත්  අධිකරණයේ  ලේකඛාධිවරිය නම් කර තිබේ. 

• හොර අධ්‍යාපන ආයතනයක් පවත්වාගෙන ගිය කාන්තාවක් අත්අඩංගුවට
• ජෝශෆ් ස්ටාලින්, මහින්ද ජයසිංහ ඇතුළු පිරිසකට එරෙහිව අධිකරණ නියෝගයක්
• චීනයෙන් ඇණවුම් කළ නවීන Y-12-IV යානා දෙකක් දිවයිනට
• ගම්මැද්ද තවත් දරු පිරිසකගේ පවස නිවාලමින්, ගම්මානයකටත් අස්වැසිල්ලක් වූ වගයි..!
• ගුවන් යානා ගල් වූ හිමපතනය..
• ‘මිජවුම්’ චණ්ඩ වෙයි.. ඉන්දියාවේ ප්‍රාන්ත ගණනාවකට දැඩි බලපෑම්..
• අද සිට පවතින වැසි තත්ත්වයේ අඩුවීමක් – කාලගුණ විද්‍යා දෙපාර්තමේන්තුව
• සුළි කුණාටුව හමුවේ කටුනායක හා චෙන්නායි අතර ගුවන්ගමන් තාවකාලිකව නවතී
• කැලණි සරසවියේ ආරක්ෂක අංශ නිලධාරියෙකුට පහරදීමේ සිද්ධියට සම්බන්ධ ශිෂ්‍යයින් 4කට පන්ති තහනමක්
• නව ජාතික ක්‍රීඩා සභාව පත් කරයි