COLOMBO (News 1st) – ගල් අඟුරු මිලදී ගැනීමේ ටෙන්ඩරය අවලංගු කිරීමට විදුලි බල හා බලශක්ති අමාත්‍යාංශය කළ ඉල්ලීම මත කැබිනට් මණ්ඩලය අනුමැතිය දුන් බව අමාත්‍ය කංචන විජේසේකර මහතා පවසයි.

අමාත්‍යවරයා නිකුත් කළ ට්විටර් පණිවුඩයක සඳහන් වූයේ, නීතිමය ක්‍රියාවළියක් ආරම්භවීමත්, මුදල් ගෙවීම සම්බන්ධයෙන් සෑහීමකට පත්විය හැකි වගකීමේ සහතිකයක් නොලැබීමත් නිසා ටෙන්ඩරය ක්‍රියාත්මක කළ නොහැකිබව තෝරාගත් සැපයුම්කරු දැනුම්දී ඇති බවයි.

ගල් අඟුරු තොග සඳහා සඳුදා මුදල් ගෙවීමට නොහැකි වුවහොත් ඔක්තෝම්බර් 25 වන දා සිට රටේ විදුලිය කප්පාදුව පැය 10 කට පමණ දීර්ඝ කිරීමට සිදුවනු ඇතැයි පාර්ශව කිහිපයක් ඊයේ ප්‍රකාශ කළේ ය.

ප්‍රශ්නය උද්ගත වූයේ ගල් අඟුරු මිලදී ගැනීමේ දිගුකාලීන ටෙන්ඩරය සම්බන්ධයෙන් ඇති වූ අර්බුදයකි.

ප්‍රශ්නය ඊයේ කැබිනට් මණ්ඩලයේ සාකච්ඡා කිරීමෙන් පසුව ටෙන්ඩරය අත්හිටුවා ලබන සතියේ නව ජාත්‍යන්තර ටෙන්ඩරයක් කැඳවීමට තීරණය කර තිබේ.

කංචන විජේසේකර අමත්‍යවරයා ට්විටර් පණිවුඩයක් නිකුත් කරමින් සඳහන් කළේ, එතෙක් දැනට ගල් අඟුරු සපයන සමාගම විසින් සැපයීමට ඇති නැව් 19 ට අත්තිකාරම් ගෙවා ලබා ගැනීමට තීරණය කළ බවයි.

විදුලි ඉංජිනේරු සංගමය අනතුරු අඟවන්නේ නියමිත කාලසීමාවේ ගල් අඟුරු නොලැබුනොත් විදුලිය කපන කාලය දීර්ඝ කිරීමට සිදුවන බවයි.

මේ අතර අදත් පැය 2 යි විනාඩි 20 ක් දිවයින පුරා කලාප වශයෙන් විදුලිය කප්පාදු කරන බව ලංකා විදුලිබල මණ්ඩලය පවසයි.

විදුලි බල මණ්ඩලය පැවසුවේ, A සිට L දක්වාත්, P සිට W දක්වාත් කලාපවලට දිවා කාලයේ පැයක් සහ රාත්‍රී කාලයේ පැය එකයි විනාඩි 20 ක් විදුලිය කප්පාදු කරන බවයි.

• ත්‍රස්ත විරෝධි හා ඔන්ලයින් පනත් කෙටුම්පත් වහා හකුලාගන්න – ශ්‍රී ලංකා නීතිඥ සංගමය
• ගාල්ලේ වෙඩි තැබීමකින් පුද්ගලයෙකු මරුට
• හරක්කටා පලා යෑමේ සැලසුමට සම්බන්ධ තවත් දෙදෙනෙකු අත්අඩංගුවට..
• කඹුරුපිටිය, කිරඹ ආර ඔයේ ගිලී සිසුවෙකු මරුට..
• පළාත් පාලන මැතිවරණයේ නාම යෝජනා අවලංගු කිරීමේ තීරණය නීති අංශ වෙත..
• ලබන වසරේ පාසල් නිල ඇදුම් සඳහා සම්පූර්ණ ප්‍රතිපාදන ලබා දීමට චීනයේ එකඟතාව..
• පුනරුත්ථාපනය වෙමින් සිටි රැඳවියන් දෙදෙනෙකු පලා යයි..
• වී මිල තීරණය කිරීමට කමිටුවක්..
• යුක්‍රේන ජනපති කැනඩා පාර්ලිමේන්තුව අමතයි..
• පාසල් ආපන ශාලා නියාමනය දැඩි කිරීමට පියවර – මහජන සෞඛ්‍ය පරීක්ෂකවරුන්ගේ සංගමය –