ළහිරු වීරසේකරට එරෙහි වරෙන්තුවක් ආපසු කැඳවීමට අධිකරණයෙන් නියෝග

COLOMBO ( News 1st ) - නඩුවකට පෙනී නොසිටීම සම්බන්ධයෙන් වරෙන්තු ලැබ සිටි වෙනසක තාරුණ්‍ය සංවිධානයේ සංවිධායක ළහිරු වීරසේකර මහතා අද(25) නීතිඥවරුන් මාර්ගයෙන් කොටුව මහේස්ත්‍රාත් අධිකරණයට ඉදිරිපත් විය. 

ඔහුට වරෙන්තු නිකුත් කර තිබුණේ, 2017 වසරේ කොළඹ කොටුව ප්‍රදේශයේ පැවති විරෝධතාවකදී අයුතු ජනරාශියක සාමාජිකයෙකුව සිටි බව කියන සිද්ධියක් සම්බන්ධ නඩුවකට පෙනී නොසිටීම හේතුවෙන් ය.

අධිකරණයට ඉදිරිපත්වීමෙන් අනතුරුව ළහිරු වීරසේකර මහතාට නිකුත් කළ වරෙන්තුව ආපසු කැඳවීමට කොළඹ කොටුව මහේස්ත්‍රාත් තිළිණ ගමගේ මහතා නියෝග කළේ ය.