වසන්ත මුදලිගේ ඇතුළු තිදෙනෙක් ත්‍රස්ථවාදය වැළැක්වීමේ පනත යටතේ රඳවා තබාගන්න අවසර ඉල්ලයි..

COLOMBO (News 1st) - අත්අඩංගුවට ගත් අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ, හෂාන්ත ගුණතිලක ඇතුළු තිදෙනා ත්‍රස්ථවාදය වැළැක්වීමේ පනත යටතේ තවදුරටත් රඳවා තබා විමර්ශන සිදු කිරීමට රැඳවුම් නියෝග ලබා ගැනීමට පොලීසිය ආරක්ෂක අමාත්‍යාංශයෙන් ඉල්ලා තිබේ.

පොලීසිය නිවේදනය කළේ, අදාල සැකකරුවන් ත්‍රස්තවාදය වැළැක්වීමේ පනත යටතේ, පොලිස් අධිකාරිවයෙකු ලබාදෙන පැය 72 ක රැඳවුම් නියෝග මත රඳවාගෙන මේ වනවිට විමර්ශන සිදු කෙරෙන බවයි.

පසුගිය 18 වැනි දා අන්තර් විශ්වවිද්‍යල ශිෂ්‍ය බල මණ්ඩලය කොළඹ පැවැත්වූ විරෝධතාවක් අතරතුර වසන්ත මුදලිගේ මහතා ඇතුළු 19 දෙනෙකු පොලිස් අත්අඩංගුවට පත්වු අතර වසන්ත මුදලිගේ මහතා ඇතුළු තුන්දෙනා හැර සෙසු 16 දෙනා ඊයේ අධිකරණයට ඉදිරිපත් කිරීමෙන් පසුව ඇප මත මුදා හැරිණි.