සංචාරකයින්ගේ පැමිණීම යළිත් ඉහළට

COLOMBO (News 1st) - සංචාරකයින්ගේ පැමිණීම යළිත් ඉහළ යමින් ඇතැයි සංචාරක සංවර්ධන අධිකාරිය පවසයි.

එහි අධ්‍යක්ෂ ජනරාල් ධම්මිකා විජේසිංහ මහත්මිය සඳහන් කළේ, මේ මාසයේ මුල් සති දෙක තුළ සංචාරකයින් 17,000කට අධික සංඛ්‍යාවක් පැමිණ ඇති බවයි.

බ්‍රිතාන්‍ය ඇතුළු යුරෝපීය රටවල්, ඉන්දියාව හා කැනඩාව ඇතුළු රටවල්වලින් අදාල සංචාරකයින් දිවයිනට පැමිණ ඇති බව ඇය ප්‍රකාශ කළා ය.

මේ වනවිට දෛනික සංචාරකයින් 1,600 කට අධික සංඛ්‍යාවක් දිවයිනට පැමිණෙන බව ද සංචාරක සංවර්ධන අධිකාරිය ප්‍රකාශ කළේ ය.

ධම්මිකා විජේසිංහ මහත්මිය පැවසුවේ, පසුගිය මැයි මාසයේ දෛනික සංචාරකයින් සංඛ්‍යාව පැවතියේ 650ක් ලෙසය.

සංචාරකයින් මෙරටට ආකර්ෂණය සඳහා විශේෂ වැඩපිළිවෙළක් ක්‍රියාත්මක බව ද ඇය ප්‍රකාශ කළා ය.