COLOMBO (News 1st) – අද (16) සිට ලබන 19 වැනි දා දක්වා විදුලිය කප්පාදු කරන කාල සීමාව පැය 3 ක් දක්වා දීර්ඝ කර තිබේ. 

ඒ, නොරොච්චෝලේ ලක් විජය බලාගාරයේ පළමු ජනන යන්ත්‍රය හදිසියේ අක්‍රීය වීම හේතුවෙනි.

ජනන යන්ත්‍රය අක්‍රිය වීම හේතුවෙන් ජාතික විදුලි බල පද්ධතියට අහිමිවන විදුලි ධාරිතාව මෙගාවොට් 270 කි.

මේ අතර නොරොච්චෝලේ ලක් විජය බලාගාරයේ දෙවන ජනන යන්ත්‍රයේ ද අත්‍යවශ්‍ය නඩත්තු කටයුතු මේ දිනවල සිදු කෙරෙනු ඇත. 

ඒ හේතුවෙන් ජාතික විදුලි බල පද්ධතියට අහිමිවන විදුලි ධාරිතාව ද මෙගාවොට් 270 කි. 

නොරොච්චෝලේ ලක් විජය බලාගාරයේ ජනන යන්ත්‍ර දෙකක් එලෙස අක්‍රීයව පැවතීම හේතුවෙන් ජාතික විදුලි බල පද්ධතියට මෙගොවොට් 540 ක් අහිමිවන බව ලංකා විදුලි බල මණ්ඩලය පෙන්වා දෙයි.

ඒ අනුව A සිට L  දක්වා සහ P සිට W දක්වා කලාපවලට දිවා කාලයේ පැයයි මිනිත්තු 40 ක් සහ රාත්‍රී කාලයේ පැයයි මිනිත්තු 20 ක් ලෙස පැය 03 ක් විදුලිය කප්පාදු කිරීමට සිදු වන බව මහජන උපයෝගිතා කොමිසම නිවේදනය කළේ ය.

මේ අතර මේ දිනවල විදුලි උත්පාදනයෙන් 60% ක් ජල විදුලි බලාගාර ආශ්‍රිතව සිදු කරන බව ලංකා විදුලි බල මණ්ඩලය ප්‍රකාශ කළේ ය.

• දේශබන්දු තෙන්නකෝන්ට මාස 3ක කාලයක් පොලිස්පති ධුරයේ වැඩබැලීමට ව්‍යවස්ථාදායක සභාවේ අනුමැතිය
• විශ්‍රාමික දීමනා ජීවන වියදම් දර්ශකයට සමානුපාතිකව ඉහළ නැංවීම සඳහා සූත්‍රයක් සකසන්න – ක්‍රම සහ විධි පිළිබඳ කාරක සභාව විශ්‍රාම වැටුප් දෙපාර්තමේන්තුවට නිර්දේශ කරයි..
• උසස් පෙළ විභාගයට අදාළ විශ්වවිද්‍යාල කඩඉම් ලකුණු නිකුත් කෙරේ
• උගන්ඩාව 2024 පන්දුවාර 20 යි 20 ලෝක කුසලානයට සුදුසුකම් ලබයි
• දේවගැති ජෙරම් ප්‍රනාන්දු CID අත්අඩංගුවට
• ඊශ්‍රායලය – හමාස් සටන් විරාමය අවසන්
• අල්ලස් ගත් කඳාන දූෂණ විමර්ශන අංශයේ ස්ථානාධිපති අත්අඩංගුවට..
• ලෝක ඒඩ්ස් දිනය අද..
• වේයන්ගොඩ අවන්හලක් අසල පුද්ගල ඝාතනයක්
• බෙංගාල බොක්ක ආශ්‍රිතව සුළි කුණාටු අවදානමක්….මුහුදු යාමෙන් වළකින්න – කාලගුණයෙන් අවවාද