COLOMBO (News 1st) – ආන්දෝලනාත්මක යුවාන් වැන්ග් 5 අධිතාක්ෂණික නෞකාව මේ වන විටත් ඉන්දියන් සාගරයේ යාත්‍රා කරමින් පවති.

ඊයේ ශ්‍රී ලංකාවෙන් බැහැරට ගමන් කරමින් තිබූ යුවාන් වැන්ග් 5 චීන අධිතාක්ෂණික පර්යේෂණ හා නිරීක්ෂණ නෞකාව මේ වනවිට ආපසු හරවා ශ්‍රී ලංකාව දෙසට යාත්‍රා කරමින් තිබෙන අයුරු නිරීක්ෂණය කළ හැකියි.

නමුත් නැව මුහුණලා තියෙන්නේ ශ්‍රී ලංකාවට නැගෙනහිරින් වූ බෙංගාල බොක්ක ප්‍රදේශයටයි.

නැව අද පස්වරුව වනවිට සී ඔෆ් ශ්‍රී ලංකා හෙවත් ශ්‍රී ලංකා මුහුදේ හම්බන්තොට වරායේ සිට නාවික සැතපුම් 589 ක දුරින් වූ ගිණිකොන දිසාවෙන් යාත්‍රා කරමින් තිබුණි.

ශ්‍රී ලංකාවේ හම්බන්තොට වරායට මුහුණලා පැමිණි යුවැන් වැන්ග් 5 පෙරේදා රාත්‍රීයේ සිට සිය ගමන් මගේ වෙනසක් සිදු කළ අතර පසුව ඉතා අඩු වේගයකින් නයින්ටිඊස්ට් රිඩ්ජ් කදු පන්තිය මතුපිටින් ඉහළ පහළ යන ආකාරය දක්නට ලැබුණි.

යුවාන් වෑන්ග් 5 නෞකාව ශ්‍රී ලංකාවට ආසන්නව පිහිටා ඇති – නයින්ටිඊස්ට් රිඩ්ජ් – ලෙස හැඳින්වෙන මුහුදු පත්ලේ ඇති කඳු පන්තිය මතුපිටින් යාත්‍රා කරන ආකාරය ඒ.අයි.එස් දත්ත නිරීක්ෂණය කිරීමේදී දැකගත හැකියි.

අද පස්වරුව වනවිට ඔවුන් යාත්‍රා කරමින් සිටින්නේ, හම්බන්තොටට ගිණිකොණ දෙසින් පැයට නාවික සැතපුම් 6 ක අවම වේගයක් තබා ගනිමිනි.

චීනය පසුගිය වසර දෙක තුළ ෂියැන්ග් යැන්ග් හොන්ග් නැමති චන්ද්‍රිකා ලුහුබැඳීම් සිදු කරන නෞකා පන්තිය යොදා ගනිමින් මෙම ප්‍රදේශයේ ගවේෂණ සිදු කළේ ය.

විදේශ කටයුතු අමාත්‍යාංශය චීන නෞකාවට ශ්‍රී ලංකාවට පැමිණිම ප්‍රමාද කරන ලෙස දැනුම් දුන්න ද වරායට පැමිණීමට ඉඩ ලබාදෙනවා ද නැද්ද යන්න තවමත් ප්‍රකාශයට පත්කර නැත.

කෙසේ වෙතත් හාබර් මාස්ටර්වරයා ඊයේ ප්‍රකාශ කළේ, යුවාන් වැන්ග් 5 චීන අධිතාක්ෂණික පර්යේෂණ හා නිරීක්ෂණ නෞකාව ඊයේ වරායට නොපැමිණෙන බවයි.

තම අවසරයකින් තොරව කිසිදු නෞකාවක් හම්බන්තොට වරායට ඇතුළ් කිරීමට නොහැකි බව ඔහු වැඩිදුරටත් සඳහන් කළේ ය.

• ත්‍රස්ත විරෝධි හා ඔන්ලයින් පනත් කෙටුම්පත් වහා හකුලාගන්න – ශ්‍රී ලංකා නීතිඥ සංගමය
• ගාල්ලේ වෙඩි තැබීමකින් පුද්ගලයෙකු මරුට
• හරක්කටා පලා යෑමේ සැලසුමට සම්බන්ධ තවත් දෙදෙනෙකු අත්අඩංගුවට..
• කඹුරුපිටිය, කිරඹ ආර ඔයේ ගිලී සිසුවෙකු මරුට..
• පළාත් පාලන මැතිවරණයේ නාම යෝජනා අවලංගු කිරීමේ තීරණය නීති අංශ වෙත..
• ලබන වසරේ පාසල් නිල ඇදුම් සඳහා සම්පූර්ණ ප්‍රතිපාදන ලබා දීමට චීනයේ එකඟතාව..
• පුනරුත්ථාපනය වෙමින් සිටි රැඳවියන් දෙදෙනෙකු පලා යයි..
• වී මිල තීරණය කිරීමට කමිටුවක්..
• යුක්‍රේන ජනපති කැනඩා පාර්ලිමේන්තුව අමතයි..
• පාසල් ආපන ශාලා නියාමනය දැඩි කිරීමට පියවර – මහජන සෞඛ්‍ය පරීක්ෂකවරුන්ගේ සංගමය –