ගෝඨාභයට සති 2 ක පිවිසුම් අවසර පත්‍රයක්

COLOMBO (News 1st) – ජුලි 14 වැනි දා පෞද්ගලික සංචාරයක් සඳහා පැමිණි හිටපු ජනාධිපති ගෝඨාභය රාජපක්ෂ මහතාට දින 14ක කෙටි කාලීන පිවිසුම් අවසර පත්‍රයක් ලබා දී ඇතැයි සිංප්පූරු ආගමන විගමන බලධාරින් උපුටා දක්වමින් ඉන්දීය මාධ්‍ය අද (21) වාර්තා කර තිබේ.

ඉන්දියාවේ NDTV නාලිකාව වාර්තා කළේ, රාජපක්ෂ මහතා ගුවන්තොටුපොළින් රටට ඇතුළුවන අවස්ථාවේ මෙම කෙටිකාලීන පිවිසුම් අවසර පත්‍රය නිකුත් කර ඇති බවයි. ශ්‍රී ලාංකිකයින්ට සාමාන්‍යයෙන් දින 30 ක කාලයක් මෙම අවසර පත්‍රය දීර්ඝ කර ගත හැකි වුවත් ඒ සඳහා මාර්ගගත ක්‍රමයට ඉල්ලුම් කළ යුතුව ඇතැයි NDTV වාර්තාවේ සඳහන් ය.