ඉන්දියාවෙන් යූරියා මිලදී ගන්න, ණය ගිවිසුමට අත්සන් කරයි

COLOMBO (News 1st);   යූරියා පොහොර මිලදී ගැනීම සඳහා ඩොලර් මිලියන 55 ක ඩොලර් ණයක් ලබා ගැනීම වෙනුවෙන් මුදල් අමාත්‍යාංශය  ඉන්දීය EXIM බැංකුව සමග එම ගිවිසුමකට අත්සන් තබා තිබේ.

අග්‍රාමාත්‍ය මාධ්‍ය අංශය පැවසුවේ, මුදල් අමාත්‍යාංශ ලේකම් එම්. සිරිවර්ධන මහතා ඉන්දීය EXIM බැංකුව සමග එම ගිවිසුමට අත්සන් තැබූ බවයි. යල කන්නයේ ක්ෂණික යූරියා පොහොර ඉල්ලුම සපුරාලීම සඳහා මෙට්‍රික් ටොන් 65,000 ක පොහොර ආනයනය කිරීම සඳහා ශ්‍රී ලංකා රජය මීට පෙර ඉන්දීය රජයෙන් ණය පහසුකම් ඉල්ලා සිටියේ ය. එම ඉල්ලීමට ප්‍රතිචාර වශයෙන්, ඉන්දියාවෙන් යූරියා පොහොර මිලදී ගැනීම සඳහා ඩොලර් මිලියන 55 ක ඩොලර් ණයක් පිරිනැමීමට ඉන්දීය රජය එකඟ විය. අදාළ ගිවිසුම අත්සන් කිරීමේ අවස්ථාවට අග්‍රාමාත්‍ය රනිල් වික්‍රමසිංහ මහතා සහ ශ්‍රී ලංකාවේ ඉන්දීය මහ කොමසාරිස් එච්.ඊ. ගෝපාල් බග්ලේ මහතා ද එක්ව සිටියහ.