COLOMBO (News 1st) – පෙට්‍රල් ලබා ගැනීම සඳහා අද (18) දිනයේත් පෝලිම්වල රැඳි සිටීමෙන් වළකින ලෙස ලංකා ඛනිජ තෙල් නීතිගත සංස්ථාව ජනතාවගෙන් ඉල්ලීමක් කරයි.

නමුත් ඊයේ (17) රාත්‍රියේ සිට මේ මොහොත වනවිටත් දිවයිනේ බොහෝ ප්‍රදේශවල ජනතාව ඉන්ධන ලබා ගැනීම සඳහා දිගු පෝලිම්වල රැඳී සිටියහ.

කෙසේවෙතත් ලංකා ඛනිජ තෙල් නීතිගත සංස්ථාවේ සභාපති සුමිත් විජේසිංහ මහතා සඳහන් කළේ, අද(18) දිනයේත් පෙට්‍රල් නිකුත් කරන්නේ සීමා සහිතව බවයි.

නමුත් හෙට(19) සිට සාමාන්‍ය පරිදි පෙට්‍රල් නිකුත් කිරීමට සැලසුම් කර ඇති බව ඔහු පැවසුවේ ය.

මේ අතර දිවයිනට පැමිණි බොරතෙල් නැව සඳහා අද මුදල් ගෙවීමට සැලසුම් කර ඇති බව වාර්තා වේ.

ලංකා ඛනිජ තෙල් නීතිගත සංස්ථාවේ සභාපති සුමිත් විජේසිංහ මහතා පැවසුවේ, මෙරට මුහුදේ නැංගුරම් ලා ඇති දැවි තෙල් හා පෙට්‍රල් නෞකා සඳහා ද කඩිනමින් මුදල් ගෙවීමට පියවර ගන්නා බවයි.

• කන්දකාඩු⁣ පුනරුත්ථාපන මධ්‍යස්ථානයේ දී මිය ගිය තරුණය අවසන් ගමන් යයි
• ජනපති සහ රුසියානු ජනපති අතර දුරකතන සාකච්ඡාවක්
• ලෝක වෙළෙඳපොළේ බොරතෙල් මිල 9%කින් පහළට
• මෙහෙම දේවල් කරන්න මෙතනින් එහාට මම ඉඩ තියන්නේ නෑ – ඇමති ධම්මික
• හිරුණිකා ඇතුළු 12 දෙනෙකුට පොලිස් ඇප
• ජනපති මන්දිරය ඉදිරිපිට විරෝධතා කළ හිරුණිකා අත්අඩංගුවට
• නිමල් සිරිපාල ද සිල්වා ඇමති ධුරයෙන් ඉල්ලා අස්වෙයි
• කන්දකාඩු සිද්ධියේ විමර්ශන වාර්තාව දින 2ක් ප්‍රමාදයි
• දුම්රිය සේවකයින්ට ඉන්ධන නැහැ… දුම්රිය ධාවනය අඩාලයි
• වැල්ලවායේ පිරවුම්හලක කලහකාරී තත්ත්වයක්.. පුද්ගලයින් 13ක් අත්අඩංගුවට