ගිනි අව්වේ පෝලිම්වල කල් ගෙවන ජනතාවට ගම්මැද්ද V-Force අදත් සවියක් වූ වගයි

COLOMBO (News 1st) – පෝලිම්වල පැය ගණන් දහඩිය හෙළන ජනතාව වෙනුවෙන් අදත් ගම්මැද්ද V-Force කණ්ඩායම් පානීය ජල බෝතල් ලබා දීමේ කාර්යයේ නිරත විය.

ඊයේ මෙම වැඩසටහන ආරම්භ වූයේ,  මේ දිනවල දහවල  අධික අව්රශ්මියක් පැවති යත් සිය අවශ්‍යතා ඉටු කර ගැනීම වෙනුවෙන් පෝලිම්වල කාලය කා දමන්නට සිදුව ඇති ජනතාවගේ පිපාසය සංසිදුවාලීම සඳහායි. ඒ අනුව ගම්මැද්ද V-Force කණ්ඩායම් අදත් පෝලිම්වල සිටි අයට හැකි පමණින් ජල බෝතලයක් ලබාදීමට කටයුතු කළේ ය. පෝලිම්වල ජීවිත සොයන ජනයා වෙනුවෙන් පිහිටට ඇමරිකන් ප්‍රිමියම් වෝටර් සමාගම ඇතුළු පරිත්‍යාගශීලීහු අදත් ගම්මැද්ද V-Force සමග එක්වූහ.