ආසියානු ක්‍රිකට් කවුන්සිලයේ සභාපතිවරයා ජනපති හමුවෙයි

COLOMBO (News 1st) –   ආසියානු ක්‍රිකට් කවුන්සිලයේ සභාපති, ඉන්දීය ක්‍රිකට් පාලක මණ්ඩලයේ ප්‍රධාන ලේකම් ජේ ෂා මහතා අද (18) දහවල් ජනාධිපති ගෝඨාභය රාජපක්ෂ මහතා හමු විය.

හමුව සිදු වූයේ,  ජනාධිපති කාර්යාලයේදී ය. රජයේ ප්‍රවෘත්ති දෙපාර්තමේන්තුව පැවසුවේ, ආසියානු ක්‍රිකට් කවුන්සිලයේ වාර්ෂික මහා සභා රැස්වීමට සහභාගී වීම සඳහා ජේ ෂා මහතා ඇතුළු ආසියානු රටවල නියෝජිතයින් 40 දෙනෙකු මෙරටට පැමිණ සිටින බවයි. ක්‍රීඩා හා තරුණ කටයුතු අමාත්‍ය නාමල් රාජපක්ෂ, ශ්‍රී ලංකා ක්‍රිකට් සභාපති ශම්මි සිල්වා, ප්‍රධාන විධායක නිලධාරී ඇෂ්ලි ද සිල්වා යන මහත්වරුන් ද මෙම අවස්ථාවට එක්ව සිට ඇත.