හිටපු රාජ්‍ය ඇමති අරුන්දිකගේ පුත්‍රයා ඇතුළු 9කට ඇප

COLOMBO (News 1st) – රාගම වෛද්‍ය පීඨයේ පිරිමි නේවාසිකාගාරයකට ඇතුළු වී සිසුන්ට පහරදීමේ සිද්ධිය සම්බන්ධයෙන් අත්අඩංගුවට ගත් හිටපු රාජ්‍ය ඇමති අරුන්දික ප්‍රනාන්දු මහතාගේ පුත්‍රයා ඇතුළු සැකකරුවන් 9 දෙනෙකු ඇප මත මුදා හැරීමට වත්තල මහේස්ත්‍රාත් අධිකරණය නියෝග කළේ ය.

ඒ සැකකරුවන් අද අධිකරණයට ඉදිරිපත් කිරීමෙන් අනතුරුවයි. සැකකරුවන්ට රුපියල් 5,000 ක මුදල් ඇප හා රුපියල් ලක්ෂ 5 බැගින් වූ ශරීර ඇප මත මුදා හැරිණ. ඔවුන්ගේ විදේශගත වීම තහනම් කළ අධිකරණය විදෙස් ගමන් බලපත්‍ර අධිකරණයට භාර දෙන ලෙස ද නියෝග කළේ ය. සැකකරුවන් අතරින් දෙදෙනකු අද රාගම පොලීසියට භාර වීමෙන් අනතුරුව අධිකරණයට ඉදිරිපත් කෙරිණ.