'සයුරළ' දැක කුඩු විසි කළ පිටරැටියෝ...

Colombo news1st –  ජාත්‍යන්තර මුහුදේදී මත්ද්‍රව්‍ය ප්‍රවාහනය කළ බව කියන ඉරාන ජාතිකයින් පිරිසක් සමග ආරක්ෂක අංශ භාරයට ගත් බහුදින ධීවර යාත්‍රාව කොළඹ වරායට රැගෙන විත් තිබේ.

පොලිසිය සඳහන් කළේ, යාත්‍රාවේ සිටි ඉරාන ජාතිකයින් 9 දෙනෙකු අත්අඩංගුවට ගත් බවයි. යාත්‍රාවේ තිබූ බව කියන හෙරොයින් කිලෝග්‍රෑම් 200 කට අධික තොගයක් මුහුදට දමා ඇති බවට තොරතුරු අනාවරණ වන බව, නාවික හමුදාව පවසයි. නාවික හමුදාව සඳහන් කළේ , සැකකරුවන් අත්අඩංගුවට ගන්නා අවස්ථාවේ ඔවුන් සතුව තිබූ හොරොයින් මත්ද්‍රව්‍ය ග්‍රෑම් 250 ක් ද සිය භාරයට ගත් බවයි. සිද්ධිය සම්බන්ධයෙන් වැඩිදුර විමර්ශන ක්‍රියාත්මකයි.