අගමැති මහින්ද රාජපක්ෂගේ ජන්ම දිනය වෙනුවෙන් කිරි අම්මාවරුන්ට දානමය පිංකමක්..

COLOMBO (NEWS1ST) : අදට(18) යෙදී ඇති අග්‍රාමාත්‍ය මහින්ද රාජපක්ෂ මහතාගේ ජන්ම දිනය වෙනුවෙන් නාරාහේන්පිට, අභයාරාමයේදී කිරි අම්මාවරුන්ගේ දානමය පිංකමක් පැවැත්විණ.

වාර්ෂිකව පැවැත්වෙන මෙම දානමය පිංකම මෙවර පැවැත්වූයේ 19 වැනි වතාවටයි. එය සංවිධානය කර තිබුණේ , කොළඹ විශ්වවිද්‍යාලයේ කුලපති, බස්නාහිර පළාත් ප්‍රධාන සංඝ නායක නාරාහේන්පිට අභයාරාමාධිපති මුරුත්තෙට්ටුවේ ආනන්ද නාහිමියන් ය. කූඩු කර සිටි පක්ෂීන් කිහිප දෙනෙක් ද නිදහස් කිරීමට ද මෙහිදී අග්‍රාමාත්‍යවරයා සහභාගී විය. මුරුත්තෙට්ටුවේ ආනන්ද නාහිමි ඇතුළු මහා සංඝරත්නය, ශිරන්ති රාජපක්ෂ මහත්මිය , ගාමිණී ලොකුගේ, නිමල් සිරිපාල ද සිල්වා, සරත් වීරසේකර, රාජ්‍ය අමාත්‍ය සිරිපාල ගම්ලත්, ශ්‍රී ලංකාවේ වියට්නාම තානාපතිනි හෝ ති තන් ටෘක් සහ ඛනිජ තෙල් සංස්ථාවේ සභාපති සුමිත් විජේසිංහ ඇතුළු පිරිසක් මෙම අවස්ථාවට එක්ව සිටිය හ.