අද (12) කොරෝනා ආසාදිතයින් 700 ඉක්මවයි, මරණ 23 ක්

COLOMBO (NEWS1ST): අද (12) දිනයේ නව කොරෝනා ආසාදිතයින් 723 දෙනෙකු හඳුනා ගෙන ඇතැයි, රජයේ ප්‍රවෘත්ති දෙපාර්තමේන්තුව පවසයි.

මේ අතර සෞඛ්‍ය සේවා අධ්‍යක්ෂ ජනරාල්වරයා විසින් තවත් කොරෝනා මරණ 23 ක් අද (12) වාර්තා කරනු ලැබීමත් සමග සමස්ත මරණ සංඛ්‍යාව ද 13,950 ක් දක්වා ඉහළ ගියේ ය. රජයේ ප්‍රවෘත්ති දෙපාර්තමේන්තුව නිකුත් කළ නිවේදනයට අනුව, මියගිය පිරිස අතරින් 12 දෙනෙකු කාන්තාවන් වන අතර ඉතිරි 11 දෙනා පිරිමි ආසාදිතයින් ය. මියගිය අය අතර වයස අවුරුදු 30ට අඩු එක් ආසාදිතයෙකු ද වේ. වයස අවුරුදු 30 – 59 ත් අතර වයසේ පසුවන ආසාදිතයෙකු සිටින අතර ඉතිරි ආසාදිතයින් 21 දෙනා ම වයස අවුරුදු 60 සහ එම වයස් සීමාව ඉක්ම වූ වැඩිහිටියන් ය. අද (12) වාර්තා කරන ලද මෙම මරණ 23 සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කරනු ලැබ ඇත්තේ, ඊයේ දිනයි.