නවසීලන්තය T20 ලෝක කුසලානයේ අවසන් මහා තරගයට

COLOMBO (News 1st) - නවසීලන්ත කණ්ඩායම 2021 පන්දුවාර 20යි 20 ලෝක කුසලාන ක්‍රිකට් තරගාවලියේ අවසන් මහා තරගයට සුදුසුකම් ලබා ගත්තේය .

ඒ, පසුගියවර අනු ශූරයින් වූ එංගලන්තයට එරෙහි අවසන් පූර්ව තරගය කඩුලු 05කින් ජය ගනිමිනි . අබුඩාබි හිදී පැවැති තරගයේ පළමුවෙන් පන්දුවට පහරදුන් එංගලන්තය පන්දුවාර 20 අවසානයේ කඩුලු 04 ක් දැවී ලකුණු 166 ක් රැස් කළේය. ඩාවිඩ් මලාන් ලකුණු 41 ක් රැස් කළ අතර මොයින් අලී නොදැවී ලකුණු 51 යි. නවසීලන්තය තරගය අවසන් වීමට එක් පන්දුවාරයක් ඉතිරිව තිබියදී කඩුලු 05ක් දැවී සිටියදී නියමිත ඉලක්කය පසු කළේය. ඩෙවෝන් කෝන්වේ ලකුණු 46ක් රැස් කළ අතර ඩැරල් මිචෙල් පන්දු 47කින් නොදැවී ලකුණු 72 රැස් කළේය . වේගවත් පිතිහරඹයක නිරත වූ ජේම්ස් නීශම් පන්දු 11කින්, 6 පහර 3ක් සහ 4 පහරක්ද සමගින් ලකුණු 27ක් ලබා ගත්තේය.