COLOMBO (News 1st) – පන්දුවාර 20යි 20 ලෝක කුසලාන ක්‍රිකට් තරගාවලියේ බටහිර ඉන්දීය කොදෙව් කණ්ඩායම සමග පැවති තරගයෙන් ශ්‍රී ලංකාවට ලකුණු 20ක ජයක් හිමිවිය.

මෙය ශ්‍රී ලංකා කණ්ඩායම මෙවර පන්දුවාර 20යි 20 ලෝක කුසලානයේ සහභාගි වූ අවසන් තරගය වේ.

සුපිරි 12 දෙනොගේ වටයේ තරග 5න් තරග 2ක් ශ්‍රී ලංකාව ජයගත් අතර තරග 03ක් පරාජය වීම හේතුවෙන් තරගාවලියෙන් ඉවත් වීමට සිදුවිය.

තරගයේ ප්‍රථමයෙන් පන්දුවට පහර දුන් ශ්‍රී ලංකා කණ්ඩාම නියමිත පන්දුවාර 20 අවසානයේදී කඩුලු 3ක් බිඳවැටී ලකුණු 189ක් ලබා ගත්තේය

අගනා ඉනිමක් ක්‍රීඩා කළ චරිත් අසලංක පන්දු 40 මුහුණ දෙමින් ලකුණු 68 ලබා ගැනීමට සමත් විය .

පැතුම් නිෂ්ශංක පන්දු 41 කදී ලකුණු 51 ලබා ගත්තේය.

ලකුණු 190ක ජයග්‍රාහී ඉලක්කයක් හඹාගිය කොදෙව් කණ්ඩායමට පන්දු වාර 20 අවසානයේ කඩුලු 8 ක් බිඳවැටී ලබාගත හැකි වූයේ ලකුණු 169ක් පමණි.

හෙඩ්මයර් පන්දු 53 තුළ ලකුණු 81 ලබාගැනීමට සමත් විය.

පන්දු යැවීමෙමේදී වනිඳු හසරංග, බිනුර ප්‍රනාන්දු සහ චාමික කරුණාරත්න කඩුලු 02 බැගින් දවා ගත්තේය.

• දෙස් විදෙස් ආකාර්ෂණය දිනූ ”කුරු අලියා” කෝ?
• තවත් කොරෝනා මරණ 15 ක්..
• රටක සම්පත්වල අයිතිය තමන් සතුකර ගන්නා තෙක්, චීනය ඒකාධිපතියන්ට සහ මිනීමරුවන්ට මුදල් දෙනවා – ජර්මානු නාවික හමුදාපති
• ඔම්ක්‍රොන්හි අනු ප්‍රභේද 2 ක් රට තුළ ව්‍යාප්ත වෙයි..
• රැඳවියෙකු මියයාම: ජේලර්වරුන් 3කගේ වැඩ තහනම්..
• වැලිගම මුහුදේ දියනෑමට ගිය දැරියන් දෙදෙනෙක් අතුරුදන්..
• ජලය අරපිරිමැස්මෙන් භාවිත කරන්න – ජල සම්පාදන මණ්ඩලය
• පැන්ඩෝරා විමර්ශනය: රන්ජන්ගෙන් ප්‍රකාශයක් ගැනීමේ තීරණයක් ..
• නැනෝ පොහොර ආනයනය: අල්ලස් කොමිසමෙන් විමර්ශනයක්..
• මත්ද්‍රව්‍ය ගෙන ශ්‍රී පාද වන්දනාවේ ගිය තරුණයන් 27 ක් කොටු..