කැලණි සරසවියේ කුලපති, වැලමිටියාවේ කුසලධම්ම නාහිමියෝ අපවත් වෙති..

කැලණි සරසවියේ කුලපති, වැලමිටියාවේ කුසලධම්ම නාහිමියෝ අපවත් වෙති..

කැලණි සරසවියේ කුලපති, වැලමිටියාවේ කුසලධම්ම නාහිමියෝ අපවත් වෙති..

කර්තෘ Staff writer

28 Oct, 2021 | 8:32 am

COLOMBO (NEWS1ST): කැලණිය විශ්වවිද්‍යාලයේ කුලපති ,කොළඹ- හලාවත දෙදිසාවේ ප්‍රධාන සංඝනායක පූජ්‍ය ආචාර්ය වැලමිටියාවේ කුසලධම්ම නාහිමියන් ඊයේ(27) රාත්‍රියේ අපවත් විය.

ඒ, කොළඹ පෞද්ගලික රෝහලක ප්‍රතිකාර ලබමින් සිටියදී ය.

අපවත් වනවිට 84 හැවිරිදි වියේ පසු වූ උන්වහන්සේ මෙරට කීර්තිමත් බෞද්ධ අධ්‍යාපන මධ්‍යස්ථානයක් වන පෑලියගොඩ විද්‍යාලංකාර පිරිවෙනේ පරිවේණාධිපති අධ්‍යක්ෂ ධුරය ද හොඹවනු ලැබුවේ ය.

උන්වහන්සේ දිගුකලක් ආගමික හා සමාජයීය සේවාවන්හි නිරතවෙමින් බෞද්ධ ජනතාවගේ උන්නතිය වෙනුවෙන් සුවිසල් මෙහෙවරක් ඉටු කළේ ය.

මීට අමතරව කුසලධම්ම නාහිමියන් සමස්ත ලංකා ශාසනාරක්ෂක බල මණ්ඩලයේ සභාපති ධුරය ද හොබවනු ලැබුවේ ය.

පෑලියගොඩ විද්‍යාලංකාර මහ පිරිවෙනේ වැඩබලන අධ්‍යක්ෂ පූජ්‍ය වැලමිටියාවේ ඥානරතන හිමියන් පැවසුවේ, වැලමිටියාවේ කුසලධම්ම නාහිමියන්ගේ දේහය අද(28) දහවල් 12 න් පසු මහජන ගෞරවය සඳහා පෑලියගොඩ විද්‍යාලංකාර පිරිවෙනේ තැන්පත් කිරීමට නියමිත අතර ආදාහන පුජෝත්සවය පසුව දැනුම් දෙන බවය.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]