මැණිකේ මගේ හිතේ ගීතයෙන් ලොව ජනාදරයට පත්වූ ශ්‍රී ලාංකීය නව පරපුරේ යොවුන් ගායන ශිල්පිනි යොහානි ද සිල්වා සිය ඉන්දීය සංචාරය නිම කර දිවයිනට පැමිණියා ය.

ඇය මව්බිමට පැමිණියේ, ඊයේ රාත්‍රී 11.25ට ඉන්දියාවේ මුම්බායි සිට ශ්‍රීලන්කන් ගුවන් සේවයේ යූ.එල්- 144 දරන ගුවන් යානයෙනි.

කටුනායක ගුවන් තොටුපළට පැමිණි යොහානිට උණුසුම් පිළිගැනීමක් හිමිවූ අතර ඇය ගුවන් තොටුපළෙන් පිටත්ව යන අවස්ථාවේදී විශේෂ ආරක්ෂාවක් ලබාදී තිබීම ද විශේෂතවයකි.

“මැණිකේ මගේ හිතේ ” ගීතයෙන් මෙරට මෙන්ම ජාත්‍යන්තරය ආදරය දිනාගත් යොහානි ද සිල්වාගේ පළමු ජාත්‍යන්තර ගෘහස්ත ප්‍රසංගය පසුගිය දා ඉන්දියාවේ නවදිල්ලියේදී පැවැත්විය.

ඇය සති දෙකකට ආසන්න කාලයක් ඉන්දියාවේ රැඳී සිටි අතර එහිදී බොලිවුඩ් චිත්‍රපටයක හින්දි භාෂාවෙන් පසුබිම් ගායනයට දායක වීමටත් ඇයට අවස්ථාව හිමිවිය.

එමෙන්ම යොහානි සුපිරි බොලිවුඩ් නළු සල්මන් ඛාන් සමග ඉන්දියාවේ අතිශය ජනප්‍රිය බිග් බොස් වැඩසටහනේ විශේෂ ආරාධිතයෙකු ලෙසත් සම්බන්ධ වූවා ය.

යොහානි ප්‍රතිනිර්මාණය කළ ‘මැණිකේ මගේ හිතේ” ගීතය යූ ටියුබ් නැරඹුම් වාර මිලියන 150 ඉක්මවා ගොස් තිබේ.

• ගාසා තීරය ගැන සාකච්ඡා කරන්න එ.ජා. ආරක්ෂක මණ්ඩලය රැස්වීමක්
• රාජ්‍ය ආයතන ක්‍රියා කළ යුතු ආකාරය ගැන මාර්ගෝපදේශ නිකුත් කිරීමට යයි
• අද පස්වරුවේත් බොහෝ පළාත්වලට ගිගුරුම් සහිත වැසි – කාලගුණ විද්‍යා දෙපාර්තමේන්තුව
• නොරොච්චෝලේ 3වන ජනන යන්ත්‍රය නඩත්තු කටයුතු අවසන් වුවත් ජාතික පද්ධතියට එක් කරන්නේ නැහැ – ලංවිම
• අමෙරිකානු යූ ටියුබර්වරයෙකුට මාස 06ක සිර දඬුවමක්
• හේනාවල රෝහලේ බැම්මක් කඩා වැටීමෙන් පුද්ගලයෙකු මරුට
• නාගරික නිවාස අයිතිය පදිංචිකරුවන්ට ලබාදීමේ පළමු අදියර පෙබරවාරියේ
• නුවරඑළිය තැපැල් කාර්යාලය ආයෝජන ව්‍යාපෘතියක් සඳහා භාවිතයට අනුමැතිය..
• මත්තල මෙහෙයුම් රුසියා – ඉන්දියා ඒකාබද්ධ සමාගමකට පැවරීමේ තීරණයක්
• ඉන්දියන් සම්බා සහල් තොගයේ පළමු කොටස ඉදිරි දෙසතිය තුළ දිවයිනට