English
தமிழ்
කර්තෘ Staff writer
චීන විදේශ අමාත්‍ය වැන්ග් යී මේ බව සඳහන් කළේ, ජී20 රටවල විදේශ අමාත්‍යවරුන්ගේ සමුළුවට එක්වෙමිනි .
ඇෆ්ගනිස්ථානයට අයත් විදෙස් සංචිත මුදා හරින්නැයි චීනය, අමෙරිකාවෙන් ඉල්ලා සිටියේය.
ඇෆ්ගනිස්ථානයේ ජාතික වත්කම් වන විදේශ විනිමය සංචිත යළි එරට ජනතාවට හිමිවිය යුතු බව ඔහු ප්‍රකාශ කර ඇත්තේ ආතතිය ලිහිල් කර ගැනීමට බලවත් රටවල් සහාය විය යුතු බව ද පෙන්වා දෙමිනි .
ප්‍රමාදයකින් තොරව ඇෆ්ගනිස්ථානයට මානුෂීය ආධාර ලබාදිය යුතු බව, චීනයේ මතයයි.
ඇෆ්ගනිස්ථානයට ආධාර සැපයීම දෙගුණයකින් ඉහළ නංවා හදිසි අවස්ථා සඳහා සහාය වීමට එක්විය යුතු බව ද චීන විදේශ අමාත්‍යවරයා ප්‍රකාශ කළේය .
එන්නත් මිලියන 03ක් ඇතුළුව ඩොලර් මිලියන 31 ක ආධාර එරටට ලබාදීමට, චීනය එකඟ වී තිබේ
චීන විදේශ අමාත්‍යවරයා වැඩිදුරටත් සඳහන් කළේ දිළිඳුකම තුරන් කිරීම, තිරසර සංවර්ධනය, ජීවනෝපාය සහ යටිතල පහසුකම් ව්‍යාපෘති සඳහා ජාත්‍යන්තර මූල්‍ය ආයතන මූල්‍ය ආධාර සැපයිය යුතු බවය.
අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]
