කොවිඩ් ආසාදිත භික්ෂූන් වහන්සේලාට ප්‍රථම වරට ස්ථාපනය කරන ලද අතරමැදි ප්‍රතිකාර මධ්‍යස්ථානය විවෘත කෙරේ...

COLOMBO (News 1st) - කොවිඩ් ආසාදනය වූ මෙරට බෞද්ධ භික්ෂූන් වහන්සේ සඳහා ප්‍රථම වරට ස්ථාපනය කරන ලද අතරමැදි ප්‍රතිකාර මධ්‍යස්ථානය අද (30) විවෘත කෙරිණි.

කොළඹ විජේරාම මාවතේ ජාත්‍යන්තර විපස්සනා භාවනා මධ්‍යස්ථානයේ මෙම අතරමැදි ප්‍රතිකාර මධ්‍යස්ථානයේ ඉදිකිරීම් සිදු කළේ, යුද හමුදා වෛද්‍ය බලකායේ මෙහෙයවීමෙනි. ආසාදනයට පත් භික්ෂූන් වහන්සේ 84 නමක් සඳහා නේවාසිකව ප්‍රතිකාර ලබාගත හැකි පහසුකම් සහිත කාමර 45 ක් මෙම අතරමැදි ප්‍රතිකාර මධ්‍යස්ථානය සතුයි. යුද හමුදාපති, ජෙනරල් ශවේන්ද්‍ර සිල්වා මහතා,

ශ්‍රී ලංකාවාසී ජනතාව වෙනුවෙන් කරනු ලබන ආශිර්වාද අපට උපදෙස් ලබා දෙන මේ මහා සංඝරත්නයට වෙනම වූ ස්ථානයක් පවත්වාගෙන යාමට ලැබීම පිළිබඳව හමුදාපතිවරයා වශයෙන් මම සතුටට පත්වෙනවා.