සංශෝධන සහිතව වුවද පනත සම්මත කිරීමට ඉඩ දෙන්නේ නැහැ.. - සරසවි ගුරු, සිසු සංගම්

COLOMBO (News 1st) - අධ්‍යාපනය මිල්ටරිකරණයට එරෙහි ජනතා ව්‍යාපාරය අද මාධ්‍ය හමුවක් කැඳවමින් කියා සිටියේ, සංශෝධන සහිතව වුවද මෙම පනත් කෙටුම්පත ගෙන් ඒමට ඉඩ නොදෙන බවය.

අපගේ මූලික කතන්දරය මේකයි. සිවිල් හා හමුදා අධ්‍යාපනය වෙන් කරන්න. මොකද සිවිල් අධ්‍යාපනය හමුදා පාලනයක් යටතේ ආරක්ෂක අමාත්‍යාංශය යටතේ තියන්න බැහැ. ඒක තමයි මූලිකම කතන්දරය තියෙන්නේ.

රටේ හැම පාර්ශවයක්ම කියන්නේ මේ පනත එපා කියලා. මේ පනත කියලා කියන්නේ විෂ කේක් ගෙඩියක් නම්, ඒක රසවත් කරන්න බැහැ උඩින් අයිසින් දාලා. වහාම මේ පනත හකුළා ගන්න ඕනේ එහෙම නොවන තත්ත්වයක් යටතේ අඛණ්ඩව අරගල කරනවා.