දෙවන T20 තරගයේදී ඉන්දියාව පැරදවූ ශ්‍රී ලංකාවට විශිෂ්ට ජයක්

COLOMBO (News 1st): ඉන්දියාව සමග පැවති දෙවන පන්දුවාර 20යි 20 ක්‍රිකට් තරගයෙන් ශ්‍රී ලංකාවට කඩුලු 04ක විශිෂ්ට ජයක් හිමිවිය. ඒ් අනුව තරග 3කින් සමන්විත තරගාවලිය තරග 1 - 1ක් ලෙස ජයගෙන දෙපිලම සම තත්ත්වයේ පසුවේ. තරගයේ කාසියේ වාසිය හිමි කරගත් ශ්‍රී ලංකාව ප්‍රථමයෙන් පන්දු යැවීමට තීරණය කළේය. ඒ් අනුව ඉන්දීය කණ්ඩායම නියමිත පන්දුවාර 20 අවසානයේදී කඩුලු 5ක දැවී ලකුණු 132ක් ලබා ගත්තේය. පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 19යි පන්දු 4ක් අවසානයේදී කඩුලු 06ක් දැවී ලකුණු 136ක් ලබා ගනිමින් තරගය ජයග්‍රහණය කළේය. තරගයේ කෙටි ලකුණු පුවරුව මෙසේය.