නව තානාපතිවරයෙක් සහ මහ කොමසාරිස්වරයෙක් ජනපතිට අක්තපත්‍ර භාරදෙයි

COLOMBO (News 1st) - නව තානාපතිවරයෙක් සහ මහ කොමසාරිස්වරයෙක් ජනාධිපති ගෝඨාභය රාජපක්ෂ මහතා වෙත අද(22) අක්තපත්‍ර භාර දී තිබේ.

නවසීලන්ත මහ කොමසාරිස්වරයා ලෙස මයිකල් එඩ්වඩ් ඇපල්ටන් සහ කියුබානු ජනරජයේ තානාපතිවරයා ලෙස අන්ද්‍රෙස් මාර්සෙලෝ ගරීඩෝ යන මහත්වරුන් ජනාධිපතිවරයා වෙත අක්තපත්‍ර භාරදීම සිදු වුණේ ජනාධිපති මන්දිරයේදීය. කොවිඩ් පැතිර යාම ආරම්භයේ සිටම රජයක් ලෙස ගත් ක්‍රියාමාර්ග එන්නත්කරණය සම්බන්ධයෙන් ලබාගෙන ඇති ප්‍රගතිය පිළිබඳ ජනාධිපතිවරයා එහිදී ඔවුන් දැනුවත් කර ඇත. කාබනික පොහොර භාවිතයට යොමුවීම 2030 වනවිට මෙරට බලශක්ති අවශ්‍යතාවයෙන් ඉහළ ප්‍රතිශතයක් පුනර්ජනනීය බලශක්ති ප්‍රභවයන්ගෙන් ලබා ගැනීමට ගෙන ඇති පියවර පිළිබඳව ද ජනාධිපති ගෝඨාභය රාජපක්ෂ මහතා මෙහිදී අදහස් පළ කර තිබේ.