English
தமிழ்
කර්තෘ Staff writer
ජනාධිපතිවරයා මේ බව සඳහන් කළේ, බෞද්ධ උපදේශක සභාව ඊයේ(16) පස්වරුවේ ජනාධිපති කාර්යාලයේ රැස්වූ අවස්ථාවේදී ය.
ජනාධිපති මාධ්‍ය අංශය සඳහන් කළේ, කොඩිඩ් එන්නත්කරණය ඇතුළුව රජය ගෙන යන වැඩපිළිවෙළ සහ කොතලාවල ආරක්ෂක විශ්වවිද්‍යාල පනත් කෙටුම්පත පිළිබඳව මහා සංඝරත්නය දැනුවත් කිරීම මෙහි අරමුණ වූ බවය.
රටේ අනාගතය සඳහා ගනු ලබන ප්‍රතිපත්තිමය තීරණවලට ඇතැම් පිරිස් විචාරයකින් තොරව එරෙහි වීම අනාගත පරපුරට කරන බලවත් අසාධාරණයක් බව ද ජනාධිපතිතුමා එහිදි පෙන්වා දී තිබේ.
උසස් අධ්‍යාපනය සඳහා තම දරුවන් විදේශ රටවලට යැවීමෙන් රටට සහ දෙමව්පියන්ට අහිමි වන විශාල මුදලක් ඉතිරි කර ගැනීමට නම් ඉහළ ප්‍රමිතියෙන් යුතු මෙවැනි විශ්වවිද්‍යාල රට තුළ බිහි විය යුතු බව ජනාධිපතිවරයා සඳහන් කළ බව ජනාධිපති මාධ්‍ය අංශය සඳහන් කළේ ය.
ජනාධිපතිවරයා පැවසුවේ, එන්නත්කරණ වැඩසටහන යටතේ අගෝස්තු මාසය අවසන් වීමට පෙර අවුරුදු 30 ට වැඩි සියලු දෙනාට මාත්‍රා දෙකම ලබා දී අවසන් කළ හැකි බවය.
ශ්‍රී දළඳා මාළිගාවේ පෙරහැර මංගල්‍යට පෙර මහනුවර දිස්ත්‍රික්කයේ එන්නත්කරණය අවසන් කිරීමට අපේක්ෂා කරන බව ද ජනාධිපතිවරයා කියා සිටියේ ය.
ලෝක සෞඛ්‍ය සංවිධානය මෙරට එන්නත්කරණ වැඩසටහන ඇගයීමට ලක් කර ඇති බව ද ජනාධිපතිවරයා මෙහිදී සඳහන් කර තිබේ.
ජනාධිපතිවරයා වැඩිදුරටත් පෙන්වා දී ඇත්තේ එන්නත්කරණයෙන් දකුණු ආසියාවේ ඉදිරියෙන්ම සිටින රට බවට ශ්‍රී ලංකාව පත් වී ඇති බවය.
අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]
