ජාත්‍යන්තර චොකලට් දිනය අදයි..

COLOMBO (News1st) :  ජාත්‍යන්තර චොකලට් දිනය අදට යෙදී තිබේ.

වාර්තාවලට අනුව පළමු ලෝක චොකලට් දිනය 2009 දී සමරනු ලැබී ය. එදින පටන් සෑම වසරකම ජූලි 07 වැනි දින ලොව පුරා චොකලට් දිනය සමරනු ලැබේ. ජනප්‍රවාදයන්ට අනුව 1550 දී යුරෝපයට චොකලට් හඳුන්වා දීම සමරනු ලබයි. මීට පෙර චොකලට් ලබා ගත හැකි වූයේ, මෙක්සිකෝව සහ මධ්‍යම අමෙරිකාව ඇතුළු නිශ්චිත රටවල සහ කලාපවල පමණි. නමුත් විදේශීය ආක්‍රමණිකයන්ගෙන් පසුව, චොකලට් බොහෝ රටවල පාරිභෝගිකයින්ගේ ප්‍රියතම ආහාරයක් බවට බවට පත්විය. රසවත් බව මෙන්ම සෞඛ්‍යමය වාසි රැසක් චොකලට්වල අන්තර්ගත ය. 1519 දී Aztecyහි අධිරාජ්‍යයා වූ Montezuma ගවේෂකයෙකුට චොකලට් පදනම් කරගත් පානයක් ලබා දී ඇති අතර ඔහු එහි රස වැඩි දියුණු කිරීම සඳහා වැනිලා, කුරුඳු සහ සීනි එකතු කර ඇතැයි වාර්තා වේ. මෙසේ වැඩිදියුණු කිරීමෙන් පසු, 1600 ගණන්වලදී ප්‍රංශයේ මෙන්ම එංගලන්තයේද මෙම පානය ජනප්‍රිය විය. 1800 දී පමණ solid චොකලට් (solid chocolates) නිර්මාණය වී තිබේ. චොකලට් මධ්‍යස්ථව පරිභෝජනය කිරීම විවිධ සෞඛ්‍ය ක්‍රියාකාරකම් සිදු කිරීමට මිනිස් ශරීරයට සහ මනසට උපකාරී වේ. Dark chocolate සතියකට දෙවරක් හෝ තුන් වරක් පරිභෝජනය කරන්නේ නම් බර පාලනය කිරීමට සහ ආහාර දිරවීමට උපකාරී වන බව විදෙස් වාර්තා පවසයි. එසේම චොකලට් ප්‍රතිශක්තිය, මොළයේ ක්‍රියාකාරිත්වය, කැස්ස, මතකය වැඩි කිරීම, හෘද සෞඛ්‍යය සහ මනෝභාවය වැඩි දියුණු කිරීමට උපකාරී වේ. ලෝක චොකලට් දිනය හැරුණු විට, බිටර්ස්වීට් චොකලට් දිනය (ජනවාරි 10), කිරි චොකලට් දිනය (ජූලි 28), සුදු චොකලට් දිනය (සැප්තැම්බර් 22), චොකලට් ආවරණය කළ ඕනෑම දෙයක් (Chocolate Covered Anything Day ) (දෙසැම්බර් 16) වැනි චොකලට් සඳහා කැප වූ වෙනත් දිනයන් තිබේ.