COLOMBO (News 1st) :  පහළොස් හැවිරිදි දැරිය ලිංගික අපයෝජනය කිරීමේ සිද්ධිය සම්බන්ධයෙන් ඊයේ (03) අත්අඩංගුවට ගත් මිහින්තලය ප්‍රාදේශීය සභා උප සභාපති ඇතුළු 3 දෙනා ලබන 15 වැනිදා දක්වා රක්ෂිත බන්ධනාගාරගත කර තිබේ.

ඊයේ (30) අත්අඩංගුවට ගත් සැකකරුවන් අතර මිහින්තලේ ප්‍රාදේශීය සභාවේ උප සභාපතිවරයාට අමතරව ප්‍රසිද්ධ ව්‍යාපාරිකයෙකු සහ දැරිය අලෙවි කිරීම සඳහා සහය දුන් තවත් පුද්ගලයෙකු ද විය.

දැරිය අලෙවි කිරීම සඳහා සහය දුන් පුද්ගලයා මෝටර් රථය ද සමග වැල්ලවත්තේදී අත්අඩංගුවට ගෙන තිබුණේ, තවත් කාන්තාවක එලෙස අලෙවි කිරීම සඳහා රැගෙන විත් සිටි අවස්ථාවේදී ය.

ගල්කිස්සේදී 15 හැවිරිදි දැරියක අන්තර්ජාලය හරහා ලිංගික කටයුතුවලට අලෙවි කිරීම, මිලදී ගත් හා ඊට අනුබල දීම සම්බන්ධයෙන් මේ දක්වා අත්අඩංගුවට ගෙන ඇති සමස්ත පුද්ගලයින් සංඛ්‍යාව 21 කි.

මේ අතර දැරිය මිලදී ගත් තවත් පුද්ගලයින් රැසක් සම්බන්ධයෙන් තොරතුරු අනාවරණය වෙමින් පවතින බව ද පොලිස් මාධ්‍ය ප්‍රකාශකවරයා අද (01) උදෑසන පැවසී ය.

මීට පෙර දැරිය මිලදී ගත් හා ඊට අනුබල දුන් පුද්ගලයින් 17 දෙනෙකු අත්අඩංගුවට ගෙන ගත් අතර එලෙස අත්අඩංගුවට ගත් පිරිස අතර දැරියගේ මව, දැරිය ලිංගික කටයුතු සඳහා අලෙවි කළ පුද්ගලයාගේ අනියම් බිරිඳ, චීවරධාරියෙක්, දැරිය යම් යම් පුද්ගලයින් වෙත සැපයූ ත්‍රිරෝද රථයක රියැදුරෙක් සහ මෝටර් රථ රියැදුරෙක් ද වූහ.

ඊට අමතරව දැරිය අලෙවි කිරීම සඳහා අන්තර්ජාලයට වෙළඳදැන්වීමක් නිර්මාණය කළ පුද්ගලයෙකු ද අත්අඩංගුවට ගත් පිරිස අතර විය.

අන්තර්ජාලය ඔස්සේ මෙම බාල වයස්කාර දැරිය ලිංගික කටයුතු සඳහා අලෙවි කළ 35 හැවිරිදි ප්‍රධාන සැකකරු පසුගිය ජුනි 7 වනදා ගල්කිස්ස පොලීසිය විසින් අත්අඩංගුවට ගනු ලැබිණ.

සැකකරු ගල්කිස්ස ප්‍රදේශයේ නිවසක් කුලියට ගෙන දැරිය රඳවා ගෙන ඇයගේ ඡායාරූප අන්තර්ජාලය ඔස්සේ පළ කරමින් ලිංගික කටයුතු සඳහා අලෙවි කර තිබූ අතර එදින පොලිස් මාධ්‍ය ප්‍රකාශකවරයා පැවසුවේ, මේ සම්බන්ධයෙන් දැරියගේ මවගෙන් ද ප්‍රකාශයක් ලබා ගෙන ඇති බවයි.

අත්අඩංගුවට ගත් සැකකරු අධිකරණය හුමවට ඉදිරිපත් කිරිමෙන් අනතුරුව රක්ෂිත බන්ධනාගාරගත කර සිටී.

• නාරාහේන්පිට පෞද්ගලික රෝහලේ අත් බෝම්බය සම්බන්ධයෙන් තවත් අයෙකු අත්අඩංගුවට..
• ආණ්ඩුවට සල්ලි නැත්නම් කොහොමද රාජ්‍ය සේවකයාට අපි පඩි ගෙවන්නේ? – ජොන්ස්ටන් ප්‍රනාන්දු: ලයිට් බිල්වලින් සල්ලි නැතුව අපි අමාරුවේ වැටිලා ඉන්නේ.. – ගාමිණි ලොකුගේ
• කටුනායක ගුවන්තොටුපොළේ ආරක්ෂාව ගැන ජනතාව කිසිදු තැති ගැන්මක් ඇති කරගත යුතු නැහැ – ආරක්ෂක ලේකම්
• වෙළෙඳපොළේ තවමත් හරියට ගෑස් නැත්තේ ඇයි?
• විනය කැඩීමක් වෙලා තියෙනවා නම් පරීක්ෂණ වලින් තහවුරු වුණායින් පස්සේ තීන්දුවක් ගන්නවා.. – නාමල් ලොහාන් ගැන කතා කරයි
• රිෂාඩ් බදියුදීන් යළි රිමාන්ඩ්: බිරිඳට සහ මාමණ්ඩියට ඇප
• වෛද්‍ය නිර්දේශය මත අවුරුදු 15ත් 19ත් අතර ළමුන් සහ අවුරුදු 12ට වැඩි ආබාධ සහිත ළමුන්ට ෆයිසර් එන්නත දීමට පියවර
• ”කවදාවත් බන්ධනාගාරයට බීමතින් ගිහින් නෑ… ඒක වුණා නම්, ඉතින් CCTV දාන්න එපැයි එළියට” – ලොහාන් රත්වත්තේ
• පවතින නිරෝධායන ඇඳිරි නීති කාලසීමාව ඔක්තෝම්බර් 01 වැනිදා දක්වා දීර්ඝ කෙරේ
• රට විවෘත කරන්නේ නම් දැඩි සංචරණ සීමා පනවන්න – මහජන සෞඛ්‍ය පරීක්ෂකවරුන්ගෙන් ඉල්ලීමක්