වසර 35ක සේවා කාලයක් නිම කරමින් CID හිටපු අධ්‍යක්ෂ ශානි අබේසේකර විශ්‍රාම යයි..
වසර 35ක සේවා කාලයක් නිම කරමින් CID හිටපු අධ්‍යක්ෂ ශානි අබේසේකර විශ්‍රාම යයි..
කර්තෘ Staff writer
COLOMBO (News 1st): වසර 35ක සේවා කාලයක් නිම කරමින් අපරාධ පරීක්ෂණ දෙපාර්තමේන්තුවේ(CID) හිටපු අධ්‍යක්ෂ ශානි අබේසේකර මහතා අද(30) විශ්‍රාම ගත්තේය.
ශානි අබේසේකර මහතා ආධුනික උප පොලිස් පරීක්ෂකවරයෙකු ලෙස පොලිස් සේවයට එක් වන්නේ 1986 පෙබරවාරි මස 10 වැනිදායි.
කළුතර පොලිස් අභ්‍යාස විද්‍යාලයේ පුහුණුව නිම කරන ඒ මහතා දිවයිනේ විවිධ ස්ථාන රැසක සේවය කිරීමෙන් අනතුරුව 2013 අගෝස්තු 25 වැනිදා ජ්‍යෙෂ්ඨ පොලිස් අධිකාරි තනතුරටත්, 2017 වසරේදී අපරාධ පරීක්ෂණ දෙපාර්තමේන්තුවේ අධ්‍යක්ෂවරයා ලෙසත් පත් කෙරිණි.
මෙරට ප්‍රබලතම අපරාධ රැසක විමර්ශන සිදු කිරීමේ නිලධාරියා ලෙස කටයුතු කරනු ලැබුවේ ද ශානි අබේසේකර මහතායි.
උඩතලවින්න ඝාතනය, රෝයල් පාක් ඝාතනය, හිටපු යුද හමුදාපති සරත් ෆොන්සේකා මහතාට එල්ල වූ මරාගෙන මැරෙන බෝම්බ ප්‍රහාරය, අප්‍රේල් 21 පාස්කු ප්‍රහාරය, රේගු අධිකාරි සුජිත් ප්‍රසන්න පෙර්රා ඝාතනය, මාධ්‍යවේදී ලසන්ත වික්‍රමතුංග ඝාතනය, මාධ්‍යවේදී ප්‍රගීත් එක්නැලිගොඩ පැහැරගෙන යාම, භාරත ලක්ෂ්මන් ප්‍රේමචන්ද්‍ර ඝාතනය, රතුපස්වල ඝාතන සිදුවීම, හිටපු මන්ත්‍රී නඩරාජා රවිරාජ් ඝාතනය වැනි අපරාධ පිළිබඳ සිදු කළ පරීක්ෂණ අතර වේ.
වසර 35ක කාලයක් මෙරට පොලිස් සේවාවේ විශිෂ්ට සේවාවක් කළ නිලධාරියෙකු ලෙස ඒ මහතා අද විශ්‍රාම දිවියට එළැඹෙන්නේ සිය 60 වන උපන්දිනය දා වීම ද විශේෂත්වයකි.
- මහ මුහුදේදී වැටලූ හෙරොයින්වල වටිනාකම රුපියල් මිලියන 1575ක්..
- අපේ තරුණ තරුණියන් ගිහිල්ලා, ජොගින් කරන්නද? පිස්සු.. – පොළොන්නරුවේ ගොවීන්
- රාජකාරිය දේවකාරිය කරගත් තවත් සුව විරුවෙකු දැයෙන් සමුගනී..
- මනූෂ නානායක්කාරට CIDයෙන් කැඳවීමක්..
- වැලිකඩ බන්ධනාගාරයෙන් තහනම් ද්‍රව්‍ය පාර්සල් 07ක්..
- ”කැබිනට් ඇමතිවරු, මුදල් ඇමති එක්ක රටේ වගකීම භාරගෙන කටයුතු කරනවා”- ඇමති රෝහිත
- ”දෙයිහාමුදුරුවනේ සල්ලි නෑ.. සල්ලි නෑ.. කිව්වට බලන්න එපැයි, බාර් ගාව” – ඇමති රෝහිත
- චීන කාබනික පෙහොර සාම්පල රටට ගෙනාවේ අවසරයකින් තොරව ද?
- තවත් කොරෝනා මරණ 84 ක්..
- නව මහ බැංකු අධිපති කබ්රාල් යටතේ පළමු මුදල් තොගය අච්චු ගසයි..
