”ඇමතිවරු පදින්නෙ පරණ වාහන” – රාජ්‍ය ඇමති ගොඩහේවාගෙන් චෝදනාවක්

”ඇමතිවරු පදින්නෙ පරණ වාහන” – රාජ්‍ය ඇමති ගොඩහේවාගෙන් චෝදනාවක්

”ඇමතිවරු පදින්නෙ පරණ වාහන” – රාජ්‍ය ඇමති ගොඩහේවාගෙන් චෝදනාවක්

කර්තෘ Sagarika Chathumali

15 Jun, 2021 | 12:21 pm

COLOMBO (NEWS1ST) :  රජයේ ඇමතිවරු භාවිත කරන්නේ, අවුරුදු 10 ක් පමණ පරණ වාහන බව නාගරික සංවර්ධන වෙරළ සංරක්ෂණ අපද්‍රව්‍ය බැහැරලීම හා ප්‍රජා පවිත්‍රතා කටයුතු රාජ්‍ය අමාත්‍ය ආචාර්ය නාලක ගොඩහේවා මහතා පවසයි.

ඊයේ (14) කෙරවලපිටියේදී මාධ්‍යට අදහස් දක්වමින් රාජ්‍ය අමාත්‍යවරයා පැවසුවේ, ජනතාව සිතන ආකාරයේ සුඛෝපභෝගී වාහන ඇමතිවරුන් සන්තකයේ නොමැති බවයි.

ඔහු සඳහන් කළේ, සෑම අවස්ථාවකදීම පත්වන ඇමතිවරයාට ලැබෙන්නේ, කලින් හිටපු ඇමතිවරයා නොව ඊටත් පෙර සිටි ඇමතිවරයා පාවිච්චි කළ වාහන බවයි.

වාහන බලාපොරොත්තුවෙන් තමා බලයට නොපැමිණි බව ත් ඇමතිවරයෙකු ලෙස තමාට වාහන 3ක අයිතිය ඇති බව ත් රාජ්‍ය අමාත්‍යවරයා එහිදී වැඩිදුරටත් සඳහන් කළේ ය.

මේ අතර රාජ්‍ය අමාත්‍යවරයා ඉල්ලා සිටින්නේ, සෑම අවස්ථාවකදීම දේශපාලනඥයා දෙස වෛරයෙන් නොබලන ලෙසයි.

”මිනිස්සුන්ට අමාරුවක් වුණාම දේශපාලනඥයින්ගෙනේ ආධාර බලාපොරොත්තු වෙනවා. දේශපාලනඥයට කියනවා පඩිය වත් ගන්න එලා කියලා . ඒවා සාධාරණ ද කියලා පොඩ්ඩක් කල්පනා කරලා බලන්න.”

ඇතැම් මන්ත්‍රීවරු පාර්ලිමේන්තුවට පැමිණෙන්නේ බස් රථයෙන් බව ත් ඇතැම් අහිංක , පිරිසිදු දේශපාලනඥයින්ට ඇඟිල්ල හෝ දිගු කිරීම ආසාධරණ බව ත් ඔහු අවධාරණය කර සිටියේ ය.

”සමහර දේශපාලනඥයින්ට ඇගිල්ලවත් දිගු කරන එක අසාධාරණයි.. ඒ තරම් අහිංසකයි පිරිසිදු මිනිස්සු එවැනි දේශපාලනඥයින්ට රජයෙන් යම් දෙයක් ලැබෙනවා නම්, තමන්ගේ වැඩ කටයුතු කරන්නට මං හිතන්නේ ඒකට ක්‍රෝධයෙන් වෛරයෙන් කතා කරන එක හරි නෑ . මම දවසට කිලෝ මීටර් 100ක් විතර දුවනවා”

රජයෙන් තමාට දුන් වාහන 3න් දෙකක්ම මේ වනවිට අබලන් වී ඇති බවත් මේ වනවිට තමන් භාවිත කරන්නේ, පෞද්ගලික වාහන බව ත් සඳහන් කළ රාජ්‍ය අමාත්‍යවරයා පැවසුවේ,  දේශපාලනඥයින් ගැන ජනතාවත් සංවේදී විය යුතු බවයි.

 

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]