COLOMBO (News 1st) – නිරෝධායන නීති උල්ලංඝණය කළ පුද්ගලයින් 1,038 ක් පසුගිය පැය 24 තුළ මෙහෙයුම්වලින් අත්අඩංගුවට ගෙන ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

පසුගිය ඔක්තොම්බර් 30 වැනි දා සිට මේ දක්වා කාලය තුළ නිරෝධායන නීති කඩ කළ පුද්ගලයින් 29,015 දෙනෙක් අත්අඩංගුවට ගෙන තිබේ.

ඒ අනුව ඊයේ (10) අත්අඩංගුවට ගත් 1,038 දෙනාගෙන් වැඩි පිරිසක් අත්අඩංගුවට ගෙන ඇත්තේ, කුලියාපිටිය ප්‍රදේශයෙනි.

එම පිරිස 133 ක් බව පොලිස් මාධ්‍ය ප්‍රකාශකවරයා සඳහන් කළේය.

රත්නපුරයෙන් 125ක් හා මාතර ප්‍රදේශයෙන් 89 දෙනෙක් අත්අඩංගුවට ගත් බව ද පොලිස් මාධ්‍ය ප්‍රකාශකවරයා කියා සිටියේය.

මීට අමතරව අතුරුගිරිය, හබරකඩ ප්‍රදේශයේදී ඊයේ (10) සිදු කළ ඩ්‍රෝන මෙහෙයුමකදී සංචරණ සීමා උල්ලංඝණය කළ පුද්ගලයින් දෙදෙනෙක් අත්අඩංගුවට ගෙන තිබේ.

පොලිස් මාධ්‍ය ප්‍රකාශකවරයා වැඩිදුරටත් පැවසුවේ, අද දිනයේත් සති අන්තයේත් පොලීසිය විශේෂ මෙහෙයුම් ක්‍රියාත්මක කරන බවය.

• රජයේ සේවයේ නිරත උපාධිධාරීන් ගුරු සේවයට අනුයුක්ත කිරීමේ තරග විභාගය නොපැවැත්වෙයි – විභාග දෙපාර්තමේන්තුව
• රාජ්‍ය සේවයේ නියුතු උපාධිධාරීන්, ගුරු සේවයට බඳවා ගැනීමේ තරග විභාගය අත්හිටුවමින් ශ්‍රේෂ්ඨාධිකරණයෙන් අතුරු තහනම් නියෝගයක්
• IMF අනුමත කළ ණය පහසුකමේ පළමු වාරිකය අද මෙරටට
• රක්ෂණ සංස්ථාව සහ ලිට්‍රෝ ඇතුළු රාජ්‍ය ව්‍යාපාර 7 ක රජයේ කොටස් විකිණීමට තීරණය කරයි
• පළාත් පාලන මැතිවරණ⁣යේ තැපැල් ඡන්ද විමසීම කල්යයි – මැතිවරණ කොමිසම
• කොළඹ හා තදාසන්න ප්‍රදේශවලට පැය 10ක ජල කප්පාදුවක්
• විපක්ෂයේ පක්ෂ නායකයින් හා විදෙස් තානාපතිවරුන් අතර විශේෂ සාකච්ඡාවක්
• සමාජ-ආර්ථික අර්බුදයෙන් වඩාත් පීඩාවට පත් වූ කාන්තාවන් සඳහා මානුෂීය ආධාර ලබාදීමට ජපානය සැරසෙයි
• පාසල් සිසුන් විවිධ කණ්ඩායම්වල ප්‍රාණ ඇපකරුවන් කර ගැනීමට කිසිසේත් ඉඩ තියන්නේ නැහැ- ජනපති
• ආංශික අධීක්ෂණ කාරක සභා කිහිපයකට සභාපතිවරු පත් කෙරෙති