COLOMBO (News 1st): මෙරට වාණිජ බැංකු සහ බලපත්‍ර ලාභී බැංකු නිරෝධායන නීතිවලට යටත්ව ගනුදෙනුකරුවන් සඳහා විවෘතව තබන ලෙස මහ බැංකුව අදාළ බැංකු ප්‍රධානීන් වෙත චක්‍රලේඛයක් මගින් දැනුම් දී තිබේ.

එහි දැක්වෙන්නේ, අදාළ බැංකු විවෘත තැබීම සඳහා අවසරය සහ උපදෙස් සෞඛ්‍ය සේවා අධ්‍යක්ෂ ජනරාල්වරයාගෙන් සහ පොලිස්පතිවරයාගෙන් මහ බැංකුව විසින් ලබාගත් බවයි.

ඒ අනුව වාණිජ බැංකු සහ බලපත්‍රලාභී බැංකු සිය පාරිභෝගික ජනතාවගේ බැංකු සේවාවන් නොකඩවා පවත්වා ගැනීම සඳහා කටයුතු කළ යුතු වේ.

ගනුදෙනුකරුවන්ට ATM යන්ත්‍ර හරහා මුදල් ලබා ගැනීමට හා තැන්පත් කිරීමට අවස්ථාව ලබාදිය යුතු අතර අත්‍යවශ්‍ය කටයුතු විමසීම සඳහා විශේෂ දුරකතන අංකයක් ද බැංකු විසින් ලබාදිය යුතුයි.

ඩිජිටල් බැංකු සේවා ද ක්‍රියාත්මක කිරීම අත්‍යවශ්‍ය බව පෙන්වා දෙන මහ බැංකුව, මූල්‍ය කටයුතු, භාණ්ඩාගාර මෙහෙයුම්, නිෂ්කෂණ, විශ්‍රාම වැටුප් හා වැටුප් ගෙවීම් සහ විශේෂ මූල්‍ය සේවා පහසුකම් සඳහා අදාළ වාණිජ සහ බලපත්‍ර ලාභී බැංකු කටයුතු කිරීමේ අවශ්‍යතාව අදාළ චක්‍රලේඛය මගින් පෙන්වා දී තිබේ.

මේ අතර මෙරට ප්‍රධානපෙළේ පුද්ගලික වාණිජ බැංකු කිහිපයක් ඔවුන්ගේ නිල වෙබ් අඩවිවල දක්වා තිබුණේ,  අද දිනයේ සිට සතියක කාලයක් ගනුදෙනුකරුවන්ට බැංකු විවෘත නොවන බවයි.

• රාජ්‍ය සේවයේ නියුතු උපාධිධාරීන්, ගුරු සේවයට බඳවා ගැනීමේ තරග විභාගය අත්හිටුවමින් ශ්‍රේෂ්ඨාධිකරණයෙන් අතුරු තහනම් නියෝගයක්
• IMF අනුමත කළ ණය පහසුකමේ පළමු වාරිකය අද මෙරටට
• රක්ෂණ සංස්ථාව සහ ලිට්‍රෝ ඇතුළු රාජ්‍ය ව්‍යාපාර 7 ක රජයේ කොටස් විකිණීමට තීරණය කරයි
• පළාත් පාලන මැතිවරණ⁣යේ තැපැල් ඡන්ද විමසීම කල්යයි – මැතිවරණ කොමිසම
• කොළඹ හා තදාසන්න ප්‍රදේශවලට පැය 10ක ජල කප්පාදුවක්
• විපක්ෂයේ පක්ෂ නායකයින් හා විදෙස් තානාපතිවරුන් අතර විශේෂ සාකච්ඡාවක්
• සමාජ-ආර්ථික අර්බුදයෙන් වඩාත් පීඩාවට පත් වූ කාන්තාවන් සඳහා මානුෂීය ආධාර ලබාදීමට ජපානය සැරසෙයි
• පාසල් සිසුන් විවිධ කණ්ඩායම්වල ප්‍රාණ ඇපකරුවන් කර ගැනීමට කිසිසේත් ඉඩ තියන්නේ නැහැ- ජනපති
• ආංශික අධීක්ෂණ කාරක සභා කිහිපයකට සභාපතිවරු පත් කෙරෙති
• ගුජරාට්හි අධිකරණයකින් රාහුල් ගාන්ධිට වසර 2 ක සිර දඬුවමක්