අද දින කොරෝනා ආසාදිතයින් ගණන 2,500 ඉක්මවයි..

COLOMBO (News 1st): තවත් කොරෝනා ආසාදිතයින් 1,351 දෙනෙකු හඳුනාගෙන තිබේ.

ඒ අනුව, අද දින මේ දක්වා හඳුනාගෙන තිබෙන කොරෝනා ආසාදිතයින් ගණන 2,882කි. ඒ සමග මෙරට කොරෝනා ආසාදිතයින් සංඛ්‍යාව 186,334 ක් දක්වා ඉහළ ගි⁣යේය. කොරෝනා ආසාදනය වූ පුද්ගලයින් 1,915 දෙනෙකු අද(31) සුවය ලැබිණි. ඒ සමග මෙරට කොරෝනා ආසාදනය වී සුවය ලබා ඇති පුද්ගලයින් සංඛ්‍යාව 151,740 කි. තවත් කොරෝනා මරණ 36 ක් ඊයේ(30) වාර්තා කර තිබේ. ඒ සමග මෙරට කොරෝනා රෝගයෙන් මියගිය සමස්ත පුද්ගලයින් සංඛ්‍යාව 1,441 දක්වා ඉහළ ගොස් ති⁣බේ. මේ වනවිට රෝහල්ගතව ප්‍රතිකාර ලබන කොරෝනා ආසාදිතයින් සංඛ්‍යාව 33,183කි.