”රෝහල් පිරී යමින් පවතිනවා.. සංචරණ සීමා සඳහා උපරිම ක්‍රියාමාර්ග ගත යුතුයි.” – ශ්‍රී ලංකා වෛද්‍ය සංගමය

”රෝහල් පිරී යමින් පවතිනවා.. සංචරණ සීමා සඳහා උපරිම ක්‍රියාමාර්ග ගත යුතුයි.” – ශ්‍රී ලංකා වෛද්‍ය සංගමය

කර්තෘ Sagarika Chathumali

04 May, 2021 | 1:26 pm

COLOMBO (News 1st) : රෝහල් ශීඝ්‍රයෙන් පිරී යමින් පවතින බැවින් අත්‍යාවශ්‍ය සේවා පමණක් පවත්වාගෙන සංචරණ සීමා උපරිමයෙන්ම ක්‍රියාත්මක කිරීමට ගත හැකි උපරිම ක්‍රියාමාර්ග ගත යුතුව ඇතැයි, ශ්‍රී ලංකා වෛද්‍ය සංගමය පවසයි.

අද (4) මාධ්‍ය සාකච්ඡාවක් කැඳවමින් එහි සභාපතිනි විශේෂඥ වෛද්‍ය පද්මා ගුණරත්න මහත්මිය පැවසුවේ, කොරෝනා රෝගීන් හඳුනා ගැනීම පාලනයකින් තොරව ඉහළ යන බවක් පෙන්නුම් කරන බවයි.

විශේෂඥ වෛද්‍යවරිය විසින් මාධ්‍ය හමුවේදී ප්‍රකාශ කරනු ලැබූ කරුණු පහත පරිදි වේ.

🛑 සීමිත ඇඳන් පහසුකම් අඩුවෙමින් සහ දැඩි සත්කාරවල අවශ්‍යතාව ද පිරෙමින් පවතී .

🛑අලුත් ප්‍රභේදය බෝවීමේ ප්‍රවණතාවය ඉතා වැඩියි.

🛑මෙම අවස්ථාවේදී පවුලේ එක් අයෙකුට ආසාදනය වූ විට බොහෝ දුරට පවුලේ අනෙකුත් සාමාජිකයින් ද ආසාදිතයින් ලෙස වාර්තා විය හැකියි.

🛑 ආසාදිතයින් රෝහල් කරා ගෙන යාමේ අපහසුතා මත නිවෙස්වලදීම ඔවුන් බලා ගැනීමට සිදුව තිබේ.

🛑එවන් අවස්ථාවලදී රෝගීන් වෙන් කර තබා, නිවෙස් තුළත් මුව ආවරණ පැළඳ සිටින්න.

🛑මූලික වෛරස උණක් සහිත රෝගියෙකුට අවශ්‍ය පැරසිටමෝල් වැනි ප්‍රතිකාර ලබා දෙන්න.

🛑ශරීරය විජලනය වීමට නොදී දිය යුතු මූලික ප්‍රතිකාරත් සිදු කරන්න.

 

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]