තවත් ප්‍රදේශ කිහිපයක් අද උදෑසන සිට Lockdown..

තවත් ප්‍රදේශ කිහිපයක් අද උදෑසන සිට Lockdown..

තවත් ප්‍රදේශ කිහිපයක් අද උදෑසන සිට Lockdown..

කර්තෘ Staff writer

04 May, 2021 | 7:56 am

COLOMBO (News 1st) – තවත් ප්‍රදේශ කිහිපයක් හුදකලා(Lockdown) කර තිබේ.

යුද හමුදාපති ජෙනරල් ශවේන්ද්‍ර සිල්වා මහතා සඳහන් කළේ, නුවරඑළිය දිස්ත්‍රික්කයේ, නෝවුඩ් පොලිස් බල ප්‍රදේශයේ ඉන්ජස්ට්රි ග්‍රාම නිලධාරී වසම, එම දිස්ත්‍රික්කයේම හැටන් පොලිස් බල ප්‍රදේශයේ ෆෝර්ඩයස් වත්ත අද(04) උදෑසන සිට හුදකලා කළ බවය.

ගම්පහ දිස්ත්‍රික්කයේ කඩවත පොලිස් බල ප්‍රදේශයේ ඇල්දෙනිය පල්ලිය පටුමග සහ රණවිරු ධර්මසිරි මාවත ද අද උදෑසන හුදකලා කෙරිණි.

රත්නපුර දිස්ත්‍රික්කයේ හුදකලා කෙරුණේ , රත්නපුර පොලිස් බල ප්‍රදේශයේ ගඟුල්විටිය ග්‍රාම නිලධාරි වසම, රක්වාන පොලිස් බල ප්‍රදේශයේ පොතුපිටිය උතුර සහ කලවාන පොලිස් බල ප්‍රදේශයේ හපුගොඩ ග්‍රාම නිලධාරි වසමයි.

කොළඹ දිස්ත්‍රික්කයේ , මොරටුමුල්ල පොලිස් බල ප්‍රදේශයේ , විල්ලෝරවත්ත ග්‍රාම නිලධාරි වසම ද අද උදෑසන සිට හුදකලා කළ බව, කොවිඩ් – 19 පැතිරිම වැළැක්වීමේ ජාතික ක්‍රියාන්විත මධ්‍යස්ථානය සඳහන් කළේය.

මීට අමතරව කළුතර දිස්ත්‍රික්කයේ, දොඩංගොඩ පොලිස් බල ප්‍රදේශයේ බෝඹුවල ග්‍රාම නිලධාරී වසම් (728C , 728D , 728B , 728 , 728F , 728A) හුදකලා කර තිබේ.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]