කඹ ඇදීම, කොට්ට පොර හා සංගීත සංදර්ශනවලට මෙවර අවසර නැහැ - නියෝජ්‍ය සෞඛ්‍ය සේවා අධ්‍යක්ෂ ජනරාල්

COLOMBO (News 1st) - සිංහල හා දෙමළ අලුත් අවුරුද්ද වෙනුවෙන් නව සෞඛ්‍ය මාර්ගෝපදේශ මාලාවක් නිකුත් කර තිබේ.

නියෝජ්‍ය සෞඛ්‍ය සේවා අධ්‍යක්ෂ ජනරාල් වෛද්‍ය සුසී පෙරේරා මහත්මිය පැවසුවේ, අවුරුදු ක්‍රීඩාවලදී සමාජ දුරස්ථභාවය, අත්සේදීම හා මුව ආවරණ පැළඳීම අනිවාර්ය බවයි. කඹ ඇදීම, කොට්ට පොර ගැසීම හා සංගීත සංදර්ශන පැවැත්වීම සඳහා අවසර හිමි නොවන බව ඇය ප්‍රකාශ කළා ය. [audio mp3="https://cdn.newsfirst.lk/sinhala-uploads/2021/04/04-03-DR-SUSI-online-audio-converter.com_.mp3"][/audio] මේ අතර අලුත් අවුරුද්ද වෙනුවෙන් ගම්බිම් බලා යන ජනතාව අහඹු ලෙස කොරෝනා පරීක්ෂණ සඳහා යොමු කිරීමට සැලසුම් කර ඇතැයි වසංගත රෝග විද්‍යා අංශයේ ප්‍රධාන වසංගත රෝග විශේෂඥ වෛද්‍ය සුදත් සමරවීර මහතා ප්‍රකාශ කළේ ය. මෙරටින් වාර්තා වන කොරෝනා ආසාදිතයින් සංඛ්‍යාව 93,128 දක්වා ඉහළ ගොස් තිබේ. ඒ, නව ආසාදිතයින් 183 දෙනෙකු ඊයේ හඳුනා ගැනීමත් සමගිනි. කොරෝනා ආසාදිතව සුවය ලැබු පුද්ගලයින් සංඛ්‍යාව 89,701 කි. ආසාදිතයින් 2,856 දෙනෙකු රෝහල්ගතව ප්‍රතිකාර ලබනු ඇති. කොරෝනා ආසාදිතව පුද්ගලයින් 571 දෙනෙකු මිය ගොස් ඇතැයි සෞඛ්‍ය අමාත්‍යාංශය සඳහන් කළේ ය.