English
தமிழ்
කර්තෘ Staff writer
චීනයේ ශ්‍රී ලංකා තානාපති කාර්යාලය නිවේදනය කළේ, චීන විදේශ කටයුතු අමාත්‍යාංශයේ ආසියානු දෙපාර්තමේන්තුවේ නියෝජ්‍ය මහලේකම් චෙන් සොන්ග් මහතා විසින් මෙම එන්නත් තොගය නිල වශයෙන් භාරදුන් බවයි.
ජනාධිපති ගෝඨාභය රාජපක්ෂ මහතා චීන ජනාධිපතිවරයාගෙන් කළ ඉල්ලීමකට අනුව මෙම එන්නත් තොගය මෙරටට හිමිවන බව තානාපති කාර්යාලය නිකුත් කළ නිවේදනයේ සඳහන් විය.
මේ අතර ජාතික ඖෂධ නියාමන අධිකාරිය ප්‍රකාශ කළේ, සිනෝෆාර්ම් එන්නත් තොගය පරිත්‍යාගයක් ලෙස භාර ගැනීමට තම අනුමැතිය ලබාදුන් බවයි.
චීන එන්නත පිළිබඳව කරුණු පැහැදිලි කරමින් විශේෂඥ වෛද්‍යවරුන්ගේ සංගමය අද නිවේදනයක් නිකුත් කළේ ය.
එම සංගමය පෙන්වා දෙන්නේ, මෙම එන්නත මෙරට භාවිත කිරීම සඳහා අනුමැතිය ලබාදීමට අදාළ නිර්දේශ ඉදිරිපත් කිරීමට ඖෂධ නියාමන අධිකාරිය විසින් පත් කළ විද්වත් කමිටුව එය මෙරට භාවිත නොකරන ලෙස කර නිගමනය කර ඇති බවයි.
පසුගිය මාර්තු 17 වන දා ඔවුන් සිය කමිටු නිර්දේශ ඖෂධ නියාමන අධිකාරියට යොමු කර ඇති බව ද විශේෂඥ වෛද්‍යවරුන්ගේ සංගමය පැවසීය.
නිෂ්පාදකයා ලබාදුන් තොරතුරු සලකා බැලීමෙන් පසුව ආරක්ෂාව, ගුණාත්මකභාවය සහ ප්‍රතිශක්ති ජනක හැකියාව යන කරුණු සලකා විද්වත් කමිටුව සිය නිගමනය ලබාදී ඇතැයි ඔවුන් නිකුත් කළ නිවේදනයේ සඳහන්.
එවැනි පසුබිමක් තුළ ඖෂධ නියාමන අධිකාරියට අලුතෙන් පත්කල අධ්‍යක්ෂ මණ්ඩලයක් යටතේ විද්වත් කමිටු නිර්දේශ නොසලකා එන්නත් ගෙන්වීමට පියවර ගැනීම පිළිබඳව කනස්සල්ල පළ කරන බව ද විශේෂඥ වෛද්‍යවරුන්ගේ සංගමය අවධාරණය කරයි.
චීන එන්නත මේ දක්වා ලෝක සෞඛ්‍ය සංවිධානය හදිසි භාවිතය සදහා අනුමත කර නැත.
අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]
-543463_650x250.jpg)
-543385_650x250.jpg)
-543397_650x250.jpg)
-543357_650x250.jpg)
