දර තුළ සඟවා බන්ධනාගාරය ඇතුළට පන්නන්න හැදු දේ..

COLOMBO (News 1st) : අඟුණකොළපැලැස්ස බන්ධනාගාරයට දර රැගෙන යන ලොරි රථයක, දර තුළ සඟවා බන්ධනාගාරය තුළට රැගෙන යාමට උත්සාහ කළ ජංගම දුරකතන 07ක් , ජංගම දුරකතන චාර්ජරයක් , ඩේටා කේබල් උපකරණ 02ක් , සුරුට්ටු 10යේ මිටි 57ක් බන්ධනාගාර බුද්ධි ඒකකයේ නිලධාරීන් විසින් අත්අඩංගුවට ගනු ලැබ තිබේ.

ඒ, බන්ධනාගාර බුද්ධි ඒකකයට ලද තොරතුරකට අනුවයි. මෙම ලොරි රථයේ රියැදුරු හා ලොරි රථයේ පැමිණි තවත් දෙදෙනෙක් බන්ධනාගාර බුද්ධි ඒකකයේ නිලධාරීන් විසින් අත්අඩංගුවට ගනු ලැබ තිබේ. මේ අතර එම පුද්ගලයින් හා ලොරි රථය ද, මෙම තහනම් ද්‍රව්‍ය සඟවා රැගෙන ආ දර සහ තහනම් ද්‍රව්‍ය අඟුණකොළපැලැස්ස පොලිස් ස්ථානය වෙත භාරදීමට කටයුතු කර ඇත.