COLOMBO (News 1st) – කොළඹ, වේල්ලවීදිය ප්‍රදේශයේ ගමන් බෑගයක තිබී සොයා ගත් කාන්තා මළ සිරුරේ හිස සෙවීම සඳහා තවදුරටත් මෙහෙයුම් ක්‍රියාත්මක බව පොලීසිය පවසයි.

පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා සඳහන් කළේ , මිය ගිය තරුණියගේ සිරුර හඳුනා ගැනීම සඳහා ඇයගේ මවගෙන් සහ ළඟම ඥාතීන්ගෙන් සාම්පල රැගෙන DNA පරීක්ෂණය සිදු කරන බවයි.

ඔවුන් ලැඟුම් ගෙන සිටි හංවැල්ල නවාතැන්පොළේ කාමරයෙන් ලේ සලකුණු කිහිපයක් වැඩිදුර පරීක්ෂණවලදී සොයාගෙන තිබෙන බව නියෝජ්‍ය පොලිස්පති අජිත් රෝහණ මහතා පවසයි.

මෙම ඝාතනයේ සැකකාර මිය ගිය උපපොලිස් පරික්ෂකවරයාගේ පශ්චාත් මරණ පරීක්ෂණය අද දින මොණරාගල, සිරිගල රෝහලේ සිදු කිරීමට නියමිත බව පොලීසිය සඳහන් කළේය.

මීට අමතරව මිය ගිය තරුණියගේ පශ්චාත් මරණ පරීක්ෂණයත් DNA පරීක්ෂණයෙන් පසුව සිදු කිරීමට නියමිතය.

ඝාතනයට ලක් වූ තරුණිය කුරුවිට, තෙප්පනාව ප්‍රදේශයේ පදිංචි 30 හැවිරිදි අවිවාහක කාන්තාවකි.

ඝාතනයට සම්බන්ධ උපපොලිස් පරීක්ෂකවරයා බඩල්කුඹුර 5 කණුව ප්‍රදේශයේ නිවස අසළ කැලෑබද ප්‍රදේශයකදී ගෙල වැලලාගෙන සිය දිවි නසාගෙන තිබුණි.

ඊයේ (03) උදෑසන පොලීසිය කළ සෝදිසි කිරීම්වලදී ඔහුගේ සිරුර හමු විය.

ඝාතනයට ලක් වූ තරුණිය සහ සැකකාර උප පොලිස් පරීක්ෂකවරයා නවාතැන් ගෙන සිටි ලැඟුම්හලේ හිමිකාරිය ඊයේ(04) සිදු කළ අනාවරණය මෙන්න..

ඝාතනයට ලක් වූ තරුණිය සිටි ලැඟුම්හලේ හිමිකාරිනිය කළ හෙළිදරව්ව මෙන්න..

• රජයේ සේවයේ නිරත උපාධිධාරීන් ගුරු සේවයට අනුයුක්ත කිරීමේ තරග විභාගය නොපැවැත්වෙයි – විභාග දෙපාර්තමේන්තුව
• රාජ්‍ය සේවයේ නියුතු උපාධිධාරීන්, ගුරු සේවයට බඳවා ගැනීමේ තරග විභාගය අත්හිටුවමින් ශ්‍රේෂ්ඨාධිකරණයෙන් අතුරු තහනම් නියෝගයක්
• IMF අනුමත කළ ණය පහසුකමේ පළමු වාරිකය අද මෙරටට
• රක්ෂණ සංස්ථාව සහ ලිට්‍රෝ ඇතුළු රාජ්‍ය ව්‍යාපාර 7 ක රජයේ කොටස් විකිණීමට තීරණය කරයි
• පළාත් පාලන මැතිවරණ⁣යේ තැපැල් ඡන්ද විමසීම කල්යයි – මැතිවරණ කොමිසම
• කොළඹ හා තදාසන්න ප්‍රදේශවලට පැය 10ක ජල කප්පාදුවක්
• විපක්ෂයේ පක්ෂ නායකයින් හා විදෙස් තානාපතිවරුන් අතර විශේෂ සාකච්ඡාවක්
• සමාජ-ආර්ථික අර්බුදයෙන් වඩාත් පීඩාවට පත් වූ කාන්තාවන් සඳහා මානුෂීය ආධාර ලබාදීමට ජපානය සැරසෙයි
• පාසල් සිසුන් විවිධ කණ්ඩායම්වල ප්‍රාණ ඇපකරුවන් කර ගැනීමට කිසිසේත් ඉඩ තියන්නේ නැහැ- ජනපති
• ආංශික අධීක්ෂණ කාරක සභා කිහිපයකට සභාපතිවරු පත් කෙරෙති