මහර බන්ධනාගාරයේ ගැටුමට වරදකරුවන් වූ රැඳවියන් 18කට මාස 2ක අමතර සිර දඬුවමක්

COLOMBO (News 1st) - මහර බන්ධනාගාරයේ ඇති වූ කලහාකාරි සිද්ධියට වරදකරුවන් වූ රැඳවියන් 18 දෙනෙකුට මාස 2 ක අමතර සිර දඬුවමක් නියම කර තිබේ.

ඒ, ඔවුන් බන්ධනාගාර විනිශ්චය මණ්ඩලය හමුවට ඉදිරිපත් කිරීමෙන් අනතුරුවයි. බන්ධනාගාරය තුළ කැරලි ගැසීම, කෝලාහල කිරීම, නිලධාරීන්ගේ අණට අකීකරු වීම, දේපොළවලට හානි කිරීම සහ වෙනත් සිරකරුවන්ට හානි කිරීම යන වැරදි සම්බන්ධයෙන් ඔවුන්ට එරෙහිව චෝදනා ගොනු කෙරුණු බව බන්ධනාගාර දෙපාර්තමේන්තුව ප්‍රකාශ කළේ ය. එම චෝදනාවලට වරද පිළිගත් රැඳවියන් 18 දෙනෙකුට එලෙස සිර දඬුවම් නියම විය.