පාර්ලිමේන්තු මන්ත්‍රීවරුන්ට PCR පරීක්ෂණවලට සහභාගී වන්නැයි දැනුම් දීමක්..

COLOMBO (News 1st) – පාර්ලිමේන්තුවේදී සිදු කෙරෙන PCR පරීක්ෂණ සඳහා සහභාගී වන්නැයි මන්ත්‍රීවරුන්ට ආරාධනා කරන බව වේත්‍රධාරී නරේන්ද්‍ර ප්‍රනාන්දු මහතා පවසයි.

නිවේදනයක් නිකුත් කරමින් ඔහු සඳහන් කළේ , පාර්ලිමේන්තු සංකීර්ණයේදී සතියකට වරක් අහඹු ලෙස PCR පරීක්ෂණ සිදු කෙරෙන බවයි. ඉදිරියේදී සැසිවාර පැවැත්වෙන මෙන්ම නොපැවැත්වෙන දිනවලදී ද සතියකට වරක් එම පරීක්ෂණ සිදු කෙරෙනු ඇති. පාර්ලිමේන්තුව තුළ අවසන්වරට PCR පරීක්ෂණ සිදු කෙරුණේ, පසුගිය 25 වැනිදා ය. එදින පුද්ගලයින් 190 දෙනෙකුට PCR පරීක්ෂණ සිදුකර තිබුණි‍.