කොරෝනා පැරදූ නවසීලන්තයෙනුත් නව ආසාදිතයෙක්

කොරෝනා පැරදූ නවසීලන්තයෙනුත් නව ආසාදිතයෙක්

කොරෝනා පැරදූ නවසීලන්තයෙනුත් නව ආසාදිතයෙක්

කර්තෘ Sagarika Chathumali

25 Jan, 2021 | 3:37 pm

COLOMBO (News 1st) : මාරාන්තික කොරෝනා වෛසරය ඉතා සාර්ථකව පාලනය කළ නවසීලන්තයෙන් මාස කිහිපයකට පසු නව කොරෝනා ආසාදිතයෙකු වාර්තා වී තිබේ.

නෝර්ත්ලන්ඩ් සිට පසුගිය දෙසැම්බර් 30 වනදා නවසීලන්තයට පැමිණි 56 හැවිරිදි කාන්තාවකට මෙලෙස දකුණු අප්‍රිකාවෙන් හඳුනා ගැණුනු නව කොරෝනා වෛරස් ප්‍රභේදය ආසාදනය වී ඇති බවට හඳුනා ගෙන තිබේ.

ඇය සති දෙකක අනවාර්ය නිරෝධායන ක්‍රියාවලියට යොමු වී සිටි කාන්තාවක වන අතර අවස්ථා දෙකකදී සිදු කළ පරීක්ෂාවන්හිදී ද තහවුරු වී ඇත්තේ, ඇයට කොරෝනා වෛරසය ආසාදනය වී නොමැති බවයි.

කෙසේ වෙතත් මේ දක්වා සමාජයෙන් වෙනත් ආසාදිතයින් පිළිබඳ වාර්තා වී නොමැති බවත් සෞඛ්‍ය බලධාරීන් සැක පළ කරන්නේ, නිරෝධායන මධ්‍යස්ථානයේදී ඇයට වෛරසය ආසාදනය වන්නට ඇති බවටයි.

ආසාදිත කාන්තාවගේ සමීප ආශ්‍රිතයින් 15 දෙනෙකු පමණ හඳුනා ගෙන ඔවුන් නිරෝධායනයට යොමු කර ඇති අතර කෙසේ වෙතත් කොරෝනා පරීක්ෂාවේදී තහවුරු වී ඇත්තේ , ඇයගේ සැමියාට වෛරසය ආසාදනය වී නොමැති බවයි.

මේ අතර නවසීලන්ත සෞඛ්‍ය අමාත්‍යංශ වෙබ් අවිට අනුව සාමජයෙන් අවසන් වරට ආසාදිතයෙකු වාර්තා වී තිබුණේ, පසුගිය නොවැම්බර් මාසයේදී ය.

අදාළ කාන්තාවට වෛරසය ආසානය වී ඇති බව ප්‍රකාශවීමෙන් පසු ඔස්ට්‍රේලියාව නවසීලන්තය සම්බන්ධයෙන් වූ සංචරණ නීති දැඩි කර තිබේ.

ඔස්ට්‍රේලියානු බලධාරීන් දැනුම්දී ඇත්තේ, ජනවාරි 14 වනදා සිට නවසීලන්තයේ සිටි පැමිණි සියලු දෙනා නිවෙස් තුළ නිරෝධායනය විය යුතු බවයි.

නවසීලන්තයෙන් මේ දක්වා වාර්තා වී ඇත්තේ, කොරෝනා ආසාදිතයින් 2,288 දෙනෙකු පමණක් වන අතර ජීවිත අහිමිව ඇත්තේ, ආසාදිතයින් 25 දෙනෙකුට පමණි.

නවසීලන්ත අනුගමනය කළ දැඩි කොවිඩ් මර්දන නීතිරීතීන් දැඩි ව අනුගමනය කිරීම හේතුවෙන් වෛරස ව්‍යාප්තිය ඉතා සාර්ථකව පාලනය කිරීමට හැකි විය.

මේ අතර මෙම නව ආසාදිතයා පිළිබඳ වාර්තාවීමත් සමගම ඔස්ට්‍රේලියාව වහාම ක්‍රියාත්මක වන පරිදි නවසීලනතයේ සිට සංචාරකයින් පැමිණීම අත්හිටුවීමට තීරණය කර තිබේ.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]