ගෙවුණු දවස උණුසුම් කළ පුවත්…

දේශීය පුවත් 1. 17 හැවිරිදි ෂුක්රා මුනව්වර් ‘සිරස ලක්ෂපති’ මිලියන 2 දිනා ගනී.. : ෂුක්රා මුනව්වර් දියණිය ‘සිරස ලක්ෂපති’ වැඩසටහනේ මිලියන දෙකක ත්‍යාගය ජයග්‍රහණය කිරීමට ඊයේ (23) සමත් විය. 2. කලා කීර්ති ආචාර්ය එඩ්වින් ආරියදාසගේ අවසන් කටයුතු හෙට.. – කලා කීර්ති ආචාර්ය එඩ්වින් ආරියදාස මහතාගේ අවසන් කටයුතු හෙට (25 ) බොරැල්ල සුසාන භූමියේදී සිදු කෙරෙන බව රජයේ ප්‍රවෘත්ති දෙපාර්තමේන්තුව නිවේදනයක් නිකුත් කරමින් පවසයි. 3. සෞඛ්‍ය අමාත්‍යවරියටත් කොරෝනා.. – සෞඛ්‍ය අමාත්‍ය පවිත්‍රා වන්නිආරච්චි මහත්මියට Covid-19 ආසාදිත බව තහවුරු වී ඇතැයි සෞඛ්‍ය අමාත්‍යාංශය පවසයි. 4. නීති විද්‍යාල ප්‍රවේශ විභාගයට පෙනී සිටිමේ සුදුසුකම්වල සංශෝධනයක් – ශ්‍රී ලංකා නීති විද්‍යාල ප්‍රවේශ විභාගය සඳහා පෙනී සිටීමට අවශ්‍ය අවම සුදුසුකම් සංශෝධනය කරමින් ගැසට් නිවේදනයක් නිකුත් කර තිබේ. 5. ඉන්දියාවේ සිට කොරෝනා එන්නත් තොගයක් ලබන බදාදා මෙරටට.. – ඉන්දියාවේ සිට කොරෝනා එනනත් මාත්‍රා තොගයක් ලබන 27 වැනි දා දිවයිනට රැගෙන ඒමට පියවර ගනනා බව ජනාධිපති ගෝඨාභය රාජපක්ෂ මහතා පවසයි. විදෙස් පුවත් 1. ලොව ප්‍රකට අමෙරිකානු සන්නිවේදකයෙකු වූ ලැරී කිංග් මියයයි – ලොව ප්‍රකට අමෙරිකානු සන්නිවේදකයෙකු වූ ලැරී කිංග් අභාවප්‍රාප්ත වී ඇති බව විදෙස් මාධ්‍ය වාර්තා කරයි. ක්‍රීඩා පුවත් 1. දිල්රුවන්ගේ සටන්කාමී ඉනිමෙන් ශ්‍රී ලංකා පළමු ඉනිම ගොඩ යයි:දික්වැල්ලට මංගල ටෙස්ට් ශතකය අහිමි වෙයි : ඇන්ජලෝ මැතිව්ස්, නිරෝෂන් දික්වැල්ල, දිල්රුවන් පෙරේරා සහ දිනේෂ් චන්දිමාල්ගේ දක්ෂ පිතිහරඹය හේතුවෙන් ශ්‍රී ලංකාව සිය පළමු ඉනිමට ලකුණු 381ක් ලබා ගැනීමට සමත් විය.