වික්ටෝරියා වේල්ල ආශ්‍රිතව හුණුගල් කැනීම තහනම් කෙ⁣⁣රේ

COLOMBO (News 1st) - වික්ටෝරියා ජලාශයට මීටර් 100 ක දුරින් පිහිටි වපසරිය තුළ හුණුගල් කැනීම තහනම් කිරීමට තීරණය කර තිබේ.

ඒ, මහනුවර දිස්ත්‍රික්කයේ වික්ටෝරියා ජලාශය ආශ්‍රිතව භූ විද්‍යා අධ්‍යනය කිරීමට පත්කළ විද්වත් කමිටුවේ වාර්තාව මගින් නිර්දේශ කිරීමෙන් අනතුරුවයි. අද පැවති ප්‍රවෘත්ති සාකච්ඡාවකදී පරිසර අමාත්‍ය මහින්ද අමරවීර මහතා මේ බව සඳහන් කළේ ය.