home
Home
උණුසුම් පුවත්
විශේෂාංග
දේශීය පුවත්
ක්රීඩා පුවත්
ව්යාපාරික පුවත්
විදේශීය පුවත්
Sinhala
search
Sinhala
menu
රටම කඳුළින් තෙත් කළ සුනාමි ඛේදවාචකයට වසර 16යි: මියගිය පිරිස් සිහි කර විනාඩි 2ක නිහඬතාවක්..
by Staff writer
26-12-2020 | 7:03 AM
COLOMBO (News 1st) -
2004 දෙසැම්බර් 26 වැනි දින ශ්රී ලංකාව ඇතුළු රටවල් කිහිපකට බලපෑම් එල්ල කළ සුනාමි ව්යසනයට අදට වසර 16ක් සපිරේ.
මීට වසර 16කට පෙර, එනම් 2004 දෙසැම්බර් 26 වැනි දින අසිරිමත් නත්තලක මිහිර විඳි, දකුණු ලක හා උතුරු නැගෙනහිර වෙරළ බඩ ජනතාව සිය දෛනික කටයුතු ආරම්භ කළේය. එදින උඳුවප් පුර පසළොස්වක පෙහෝ දිනය වූ බැවින්, බෞද්ධ සැහැදැවතුන් බොහෝ දෙනා සිටියේ ආගමික වතාවත්වල නිරත වෙමිනි. මේ අතර ඉන්දීය හා ශාන්තිකර සාගරවලට මැදිව පිහිටි ඉන්දුනීසියාවේ සුමාත්රා දූපත ආසන්න මුහුදු පත්ලේ, දරුණු භූ කම්පනයක් සිදුවිය. මෙරට වේලාවෙන් උදෑසන 6.58 ට සිදුවූ භූ කම්පනයේ අප කේන්ද්රයෙන් නැගුන උදම් රළ පළමුවෙන්ම ඉන්දුනීසියාවට කඩා වැදුණි. ඉන් පසුව ගතවූ පැය කිහිපය තුළ උදම් රළ පහර පැයට කිලෝමීටර් 800 ක වේගයකින් ශ්රී ලංකා වෙරළ තීරයට කඩා වැදුණේ තත්පරයෙන් තත්පරය වටිනා ශ්රී ලාංකික ජීවිත 40,000කට අධික සංඛ්යාවක් අහිමි කරමිනි.
ඒ අතර ලොව බිහිසුණුම දුම්රිය අනතුර හික්කඩුව, පැරෑලිය ප්රදේශයෙන් වාර්තා විය. මගීන් 1500 ක් පමණ රැගෙන උදෑසන 6.40 ට මරදානේ සිට මාතර දක්වා ධාවනය වූ අංක 50 දුම්රිය ඒ බිහිසුණු අනතුරට ලක්විය.
සුනාමි රළ පහර ශ්රී ලංකාව මෙන්ම ආසියාතික රටවල් කිහිපයකටම කඩා වැදුණේ ලක්ෂ 3 කට අධික වටිනා ජීවිත අහිමි කරමිනි. ඒ මහා රුඳුරු ව්යසනය සිදු වී අදට වසර 16ක් ගත වුවත් අප අතරින් එදා වෙන් වී ගිය නෑදෑ, හිතමිතුරන් අප හදවත් තුළ අදටත් රැඳි සිටින්නේ නොමැකෙන මතක සටහන් රුසක් ඉතිරි කරමිනි. මේ අතර, සුනාමියෙන් මියගිය ජනතාව සිහිපත් කර අද(26) පෙරවරු 9.25 සිට 9.27 දක්වා විනාඩි දෙකක නිෂ්ශබ්දතාවක් පැවැත්වීමට නියමිතය. සුනාමි ව්යවසනයෙන් පසු සෑම වසරකම දෙසැම්බර් මස 26 වැනි දින 'ජාතික සුරක්ෂිතතා' දිනය ලෙස නම් කිරීමට පියවර ගනු ලැබුවේ ය. ආපදා කළමනාකරණ මධ්යස්ථානය පැවසුවේ, සුනාමි ව්යසනයෙන් මියගිය සියලු දේශිය සහ විදේශීය ජනතාව සිහිපත් කරමින් 2005 සිට සෑම වර්ෂයකම දෙසැම්බර් 26 වැනි දින සර්ව ආගමික වැඩසටහන් පවත්වා ආපදාවලින් මියගිය ජනතාවට පිං පැමිණවීම සිදු කරන බවයි. මේ වනවිට පවතින කෝවිඩ් -19 ව්යසන තත්ත්වය හේතුවෙන් සෞඛ්ය අංශ විසින් ලබාදී ඇති මාර්ගෝපදේශ සහ නීතිරීති අනුගමනය කරමින් සීමිත පිරිසකගේ සහභාගීත්වයෙන් ආගමික වැඩසටහන් ක්රියාත්මක බව ආපදා කළමනාකරණ මධ්යස්ථානයේ අධ්යක්ෂ ප්රදීප් කොඩිප්පිලි මහතා පැවසුවේ ය.
වෙනත් ලිපි
අඟහරු වෙත යන්න තෝරාගත් අපේ විද්යාඥවරිය
පළාත් 7ක උණුසුම අද වැඩි වෙයි
අවුරුදු ගීතය විකෘති කළ පුද්ගලයා රිමාන්ඩ්
නිදහස් පක්ෂ අර්බුදය:මැතිවරණ කොමිසම අද සාකච්ඡාවක
මියන්මාර ග්රහණයේ සිටි ලාංකිකයින් 8ක් අද දිවයිනට
නැවේ සිට බේරාගත් ලාංකිකයින් 5කට ප්රතිකාර
විශේෂාංග
අඟහරු වෙත යන්න තෝරාගත් අපේ විද්යාඥවරිය
කෝටි 10ක රත්තරන් කේක් එක හැදූ ශ්රී ලාංකික තරුණයා
කේට් කුමරියට පිළිකාවක්..
සතුටින්ම සිටින රටවල් අතරින් ෆින්ලන්තය යළිත් එකට
වැටුණු රට ගොඩගන්න පකිස්තාන නව ජනපති වැටුප අතහරී...
අඟහරු වෙත යන්න තෝරාගත් අපේ විද්යාඥවරිය
කෝටි 10ක රත්තරන් කේක් එක හැදූ ශ්රී ලාංකික තරුණයා
කේට් කුමරියට පිළිකාවක්..
සතුටින්ම සිටින රටවල් අතරින් ෆින්ලන්තය යළිත් එකට
වැටුණු රට ගොඩගන්න පකිස්තාන නව ජනපති වැටුප අතහරී...
search
search
home
Home
උණුසුම්
විශේෂාංග
දේශීය
ක්රීඩා
ව්යාපාරික
විදේශීය