අධික වර්ෂාවත් සමග යාපනයේ ජල ගැලීම් තත්ත්වය ඉහළට…: කිලිනොච්චියේ වැව් දෙකක් වාන් දමයි

අධික වර්ෂාවත් සමග යාපනයේ ජල ගැලීම් තත්ත්වය ඉහළට…: කිලිනොච්චියේ වැව් දෙකක් වාන් දමයි

අධික වර්ෂාවත් සමග යාපනයේ ජල ගැලීම් තත්ත්වය ඉහළට…: කිලිනොච්චියේ වැව් දෙකක් වාන් දමයි

කර්තෘ Staff writer

05 Dec, 2020 | 7:58 am

COLOMBO (News 1st) – අධික වර්ෂාවත් සමග යාපනය දිස්ත්‍රික්කයේ ජල ගැලීම් තත්ත්වය ඉහළ යමින් ඇතැයි දිස්ත්‍රික් ලේකම් කේ. මහේෂන් මහතා පවසයි.

ඔහු සඳහන් කළේ, මරදන්කර්නි ප්‍රදේශයේ ජල ගැලීම් තත්ත්වය මේ වනවිට වැඩි වී ඇති බවයි.

වර්ෂාවෙන් දිස්ත්‍රික්කයේ පවුල් 16,250 ක පුද්ගලයින් 54,163 දෙනෙකු පීඩාවට පත් ව ඇතැයි දිස්ත්‍රික් ලේකම්වරයා සඳහන් කළේ ය.

ආරක්ෂිත මධ්‍යස්ථානවල රඳවා සිටින පුද්ගලයින් සංඛ්‍යාව 3393 කි.

මේ අතර කිලිනොච්චිය දිස්ත්‍රික්කයේ වැව් දෙකක් මේ වනවිට වාන් දමමින් පවති.

කිලිනොච්චි දිස්ත්‍රික්කයේ පුද්ගලයින් 4334 දෙනෙකු පීඩාවට පත්ව ඇති අතර ආපදා කළමනාකරණ මධ්‍යස්ථානය දැනුම් දෙන්නේ, අඛණ්ඩව වැසි ඇදහැලුණහොත් වැව් ආශ්‍රිතව ජීවත්වන ජනතාව ආරක්ෂිත ස්ථාන වෙත ඉවත් විය යුතු බවයි.

වර්ෂාව හේතුවෙන් මුලතිව් දිස්ත්‍රික්කයේ ද පුද්ගලයින් 1925 දෙනෙකු පීඩාවට පත්ව සිටි.

මන්නාරම දිස්ත්‍රික්කයේ වර්ෂාවෙන් පීඩාවට පත් පුද්ගලයින් සංඛ්‍යාව 7784 කි.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]